1 Timoti 2:6 - IBAYIBOLO 2024

⁶ Akiyipa mwene ukuti abasatule abantu bosi. Ichi chikaba chisimikizyo pakabalilo kache akiza.

Ulufingo Ulupya

⁶ Akiyipa mwene ukuti abasatule abantu bosi. Ichi chikaba chisimikizyo pakabalilo kache akiza.

1 Timoti 2:6 Iomraidhean Croise

Yobu 33:24

pakumupelela ichisa nukuti, “Umupoke ukuti atakabukaye kwipumpa; pakuti nachagha ichakwiyipa ichakupepesezya imbibi zyache,

Yesaya 53:6

Aswe twebosi twasobela ngati ng'ozi, umuntu wesi akwenda muzila iyache ni yache. Loli u Mwene abubika ububibi ubwa twebosi papache.

Ukubelengiwa 7:15

ni nkambaku inyana nu dubi weka sona na kadubi koka aka mwaka ghoka ukuti chibanje chakwiyipa ichakocha.

Matayi 20:28

Ayane bulo nu Mwana uwa Muntu, pakuti atakiza ukuti bamubombelaye, loli pakubabombela nukubapa ubumi bwache ukuti abapoke abantu abinji.”

Maliko 1:15

Akati, “Akabalilo kakwana, u Chala ali papipi pakwikazya Ubumwene bwache! Pinduka nukuzileka imbibi zyinyu nukusubila Amazyu Amiza!”

Maliko 10:45

Pakuti u Mwana uwa Muntu atakiza ukuti bamubombelaye, loli pakubabombela nukubapa ubumi bwache ukuti abapoke abantu abinji.”

Yohani 10:15

ukuyana bulo namumo Utata amanyiye, sona nane imumenye Utata, nkubutagha ubumi bwane pachifukwa icha ng'ozi zila.

Yohani 6:51

Ane ne chibama ichipela ubumi chicho chikika ukufuma kumwanya. Nanti umuntu wesi akulya ichibama chinichi, akwiza pakubangako bwila na bwila. Ichibama chicho nkwiza pakumupa gho mubili wane, chicho nkupa ukuti ichisu ichapasi chibanje nubumi.”

Aba Loma 16:26

Loli, ilelo vyavumbuliwa pabuzelu ukwendela mu masimbo agha balaghuzi; sona ukwendela mu malamulo agha Chala uwa bwila na bwila vyavumbuliwa ku bantu abaluko losi, umwakuti basubile nukwivwila.

Aba Loma 5:6

Bo tuchili tuli badedebazu, u Kilisitu akabafwila abantu ababibi pakabalilo akiza kako u Chala umwenecho akakasala.

1 Aba Kolinti 1:6

Pakuti ulusimikizyo nizya Kilisitu lwikaziwe nkani mumwinyu,

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

Aba Galatiya 1:4

U Kilisitu akiyipa mwene pachifukwa icha mbibi zyitu ukuti atupoke ku nkulilo iya mbibi iyi, ukuyana nu bwighane ubwa Chala witu, sona yuyo we Tata.

Aba Galatiya 4:4

Loli bo akabalilo kakwana, u Chala akatuma u Mwana wache uwakupapiwa mu mukolo, sona yuyo akapapiwa pasi pa Ndaghilo izya Mozesi,

Aba Efeso 1:17

u Chala uwa Mwene witu u Yesu Kilisitu, sona nu Tata umuchindamu, ukuti abape umuzimu uwamahala nu wabuvumbuli ukuti mumumanye akiza.

Aba Efeso 1:7

Aswe twabukite ukwendela mwibanda lyache, sona akatuhobokela imbibi zyitu ukuyana nu bukulu ubwa chisa icha Chala,

Aba Efeso 3:5

zizyo zitakavumbuliwa ku bantu abankulilo izinji ukuyana namumo zyavumbuliliwa ilelo mwa Muzimu Umuzelu, sona na batumiwa bache abazelu na balaghuzi.

Aba Efeso 5:2

Mubanje nu lughano ukuyana namumo u Kilisitu akatughanila nukwiyipa ubumi bwache pakuba chabupi ichakununkila, sona ni chakwiyipa ichakumuhobosya u Chala.

2 Aba Tesalonika 1:10

Pisiku lilalila akwiza pakupeghiwa umuchizi na bantu bache bosi abazelu, sona akwiza pakuchindikiwa na bantu bache bosi babo bakusubila. Namwe bulo mukwiza pakuba nabo, pakuti mukaghasubila amazyu ghagho tukababuzya.

1 Timoti 6:15

Ukuboneka kwache kukwiza pakulanjiziwa pakabalilo kache akiza, kako kakayaniziwa nu Chala, umusayiwa, sona yuyo Mulaghili mwene, Usongo uwa basongo, sona nu Mwene uwa bamwene.

2 Timoti 1:8

Po utakabanje ni soni pakumubikila ubwakaboni u Mwene witu. Sona utakabanje ni soni pachifukwa icha nene, ne indi mujele pachifukwa icha yuyo. Loli sendapo ichigaba mumayimba pachifukwa icha Mazyu Amiza, ukwendela mumaka agha Chala.

Titi 1:3

Pakabalilo kache akiza, akavumbula amazyu ghache ukwendela pakulumbilila amazyu ghache, ghagho u Chala Umupoki witu akampa.

Titi 2:14

Akiyipa mwene pachifukwa icha sweswe ukuti atusatule ku bubibi bwitu bosi nukuti tubanje bantu bache abazelu, babo balweke pakubomba imbombo inyiza.

Aba Hebeli 9:12

U Kilisitu atakinjila mu Chipinda Ichizelu nkani ni banda ilya mbuzi, pamo ni banda ilya ngwata. Loli akinjilamo ni banda ilyache ni lyache nukutusendela aswe ubupoki ubwa bwila na bwila.

1 Pitala 2:24

U Yesu Kilisitu umwenecho akanyamula imbibi zyitu mumubili wache pachipinjika, umwakuti aswe tufwe kumbibi nukuba bumi pakubomba ubugholosu. Mwapola pachifukwa icha vilonda vyache.

1 Pitala 3:18

Pakuti u Kilisitu akafwa lyoka mpela pachifukwa icha mbibi izya bantu bosi, umugholosu pakubafwila abasita bugholosu, umwakuti atufisye pamaso pa Chala. Pakunena nizya mubili wache akafwa, loli akazyuka kubufwe mumuzimu.

1 Yohani 4:10

Ulughano ulwenecho lo ulu: Tute sweswe twe tukamughana u Chala, awe. Loli u Chala weyuyo akatughana nukututumila u Mwana wache ukuti abanje chakwiyipa ichakuhobokela imbibi zyitu.

Ubuvumbuli 1:5

Ichisa chinichi chikufuma kwa Yesu Kilisitu, ukaboni umusubiliwa uwakwanda pakuzyuka kubufwe, sona yuyo we umulaghili uwa bamwene bosi aba muchisu ichapasi. U Mwene atughanite aswe, sona atwabuye kumbibi zyitu ni banda lyache.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.