1 Timoti 2:5 - IBAYIBOLO 2024

⁵ Pakuti pali u Chala weka nu Mufusya weka bulo, yuyo akusayannya abantu nu Chala, umuntu yunuyu we Kilisitu Yesu.

Ulufingo Ulupya

⁵ Pakuti pali u Chala weka, nu Mufusya weka bulo, yuyo akusayannya abantu nu Chala, umuntu yunuyu we Kilisitu Yesu.

1 Timoti 2:5 Iomraidhean Croise

Yobu 9:33

Nalondagha nkani nanti pakabanga mulongi pakasi papitu, uwakuti angadumula inongwa yitu.

Yesaya 44:6

U Mwene Uwamaka Ghosi, u Chala Umutabuli uwa Izilayeli akuti, “Ane ne bwandilo sona ne bumalilo, atalipo u Chala uyunji loli ane nemwene.

Matayi 1:1

Ulu lo lubatiko ulwa banyenya aba Yesu Kilisitu, uwaluko ulwa Devedi, yuyo akaba waluko ulwa Abulahamu.

Matayi 1:23

“Umulindu yuyo atamumenye nalumo umwanavuli akwiza pakumela ulwanda nukupapa umwana umulumendo nukumwita ukuti we Imaniweli.” (Itabwa ili likung'anamula ukuti u Chala ali naswe).

Luka 14:22

Bo uwambombo yula abwelako akati, ‘Wee Mwene, nabomba vyosi vivyo ukandamula, loli ubuzilo buchili bulipo.’

Yohani 1:14

Yuyo akitiziwanga ukuti we Mazyu akanduka muntu nukwikala pakasi papitu. Akizula ni chisa nu bwanaloli. Tukabwennya ubuchindamu bwache, ubuchindamu bubo akapokela ngati we Mwana mwene na mwene uwa Wise.

Yohani 17:3

Nanti abantu bakumanye awe, we Chala wemwene uwanaloli, sona nukumumanya u Yesu Kilisitu, yuyo ukamutuma, bakwiza pakuba nubumi ubwa bwila na bwila.

Imbombo 4:12

Mumwache mwene momumo muli ubupoki pakuti pachisu chosi ichapasi nayumo umuntu yuyo u Chala atupiye ukuti angatupoka.”

Aba Loma 1:3

Ghakunena nizya Mwana wache, u Mwene witu u Yesu Kilisitu: Ukuyana nu buntu bwache, akapapiwa mu luko ulwa Devedi,

Aba Loma 10:12

Pakuti butalipo ukulekana pakasi paba Yuda na bantu babo bate ba Yuda. U Chala we Mwene uwa bosi, sona akubasaya nkani abantu bosi babo bakwitizya kukwache.

1 Aba Kolinti 8:4

Polelo nizya vyakulya vivyo vyabikiwa ku vifwani ukuti chibanje chakwiyipa, tuzimenye ukuti ichifwani kate kantu napo panandi, sona tuzimenye ukuti atalipo u Chala uyunji, loli weka mpela.

1 Aba Kolinti 8:6

loli aswe u Chala alipo weka mpela, we Tata, yuyo mupeli uwa vintu vyosi, sona weyuyo naswe twenizyeko amaso. Alipo u Mwene weka mpela, u Yesu Kilisitu, yuyo ukwendela mumwache ivintu vyosi vikapeliwa, sona ukwendela mumwache aswe tuli nubumi.

Aba Galatiya 3:20

Loli nanti tukuti mufusya, kokuti pali imbazu zibili. Loli u Chala ali weka bulo.

Aba Efeso 4:6

Aliko u Chala weka, yuyo we Tata uwa twebosi. Ali pamwanya pa bosi, yuyo akubomba imbombo ukwendela mubantu bosi, sona yuyo akwikala mubantu bosi.

Ukukumbusya Amalamulo 6:4

Mwee ba Izilayeli, ivwa kuno! U Mwene u Chala witu we Mwene weka mpela.

1 Timoti 6:13

Pantazi pa Chala, yuyo akupa ubumi ivintu vyosi, sona na pamaso pa Kilisitu u Yesu, yuyo akitika ulwitiko pamaso pa Pontiyo Pilati, nkukulamula ukuti

Aba Hebeli 12:24

Mwiza kwa Yesu yuyo mufusya uwa lufingo ulupya, sona kwibanda lilyo likanyafiliwa, lilyo likulayizya ivintu ivyizapo ukuchila ibanda ilya Abeli.

Aba Hebeli 7:25

Ichi cho chifukwa amenye pakubapoka abantu bosi babo bakwiza kwa Chala ukwendela mumwache. Pakuti umwene mumi bwila na bwila pakubalambilizikizya kwa Chala.

Aba Hebeli 8:6

Loli u Yesu apeghiwa imbombo iya buputi yiyo yapamwanya nkani ukuchila iyabo, ukuyana namumo ulufingo lulo akabatika pakasi pa Chala na bantu bache lwiza nkani, pachifukwa ichakuti lughonite pilayizyo ilya vintu ivyizapo.

Aba Hebeli 9:15

Pachifukwa ichi u Kilisitu we mufusya uwa lufingo ulupya, umwakuti abantu babo bitiziwe nu Chala bapokele ulusayo ulwa bwila na bwila lulo u Chala akalayizya. Ichi chikabombiwa ukwendela mu bufwe ubwa Kilisitu bubo bukupoka abantu babo bakabomba imbibi, bo bali nu lufingo ulwakwanda lula.

1 Yohani 2:1

Mwe bana bane, nkubasimbila zinizi umwakuti mutakabombaye imbibi. Loli nanti umuntu yumo akubomba imbibi, tuli nawe umufusya yuyo akutunenela kwa Tata mubuzilo bwitu, yuyo we Yesu Kilisitu, umugholosu.

Ubuvumbuli 1:13

Pakasi pa nyale zila, nkennya yumo yuyo akaboneka ngati muntu. Akavwala inkazo intali yiyo yikafika kunyayo zyache, akapinya ulamba uwa golide pachifuba chache.