1 Timoti 2:4 - IBAYIBOLO 2024

⁴ yuyo akulonda ukuti abantu bosi bapokiwe, sona nukuti babumanye ubwanaloli.

Ulufingo Ulupya

⁴ yuyo akulonda ukuti abantu bosi bapokiwe, sona nukuti babumanye ubwanaloli.

1 Timoti 2:4 Iomraidhean Croise

Yesaya 45:22

Amwe mwe bantu bosi aba pachisu ichapasi, pindukila kukwane ukuti mupokiwe, pakuti Ane ne Chala, sona atalipo uyunji.

Yesaya 49:6

U Mwene akamubuzya akati, “Ko kantu akanandi nkani, akakuti, ubanje we mubombi wane. Utakwiza pakubomba yene, iya kubanyosezya abaluko ulwa Yakobo, sona nukubanyosezya aba Izilayeli babo bakasyalako, loli nkwiza pakukupela pakuba we lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.”

Yesaya 53:11

Bo ghachilapo amayimba ghache, akwiza pakwennya ulukozyo ulwa bumi nukwikutiziwa. Mubumanyi bwache umubombi wane umugholosu akwiza pakubanena abantu abinji ukuti bagholosu, po akwiza pakuzinyamula imbibi zyabo.

Yesaya 55:1

U Mwene akuti, “Zagha, mwebosi mwe muli ninyota, mwize ku mizi; sona na mwe mute ni ndalama, zagha, mughule nukulya! Zagha, mung'wele pabulo uvinyo nu lukama.

Ezekiyeli 18:23

U Mwene Uwamaka Ghosi akuti: Nkimba nkuhoboka nimfwa iya muntu umubibi? Nkimba intangahoboka nanti azileka imbombo zyache imbibi nukuba mumi?

Ezekiyeli 18:32

Intakuhoboka nimfwa iya muntu yumo, polelo Pinduka ukuti mubanje bumi, u Mwene Uwamaka Ghosi anena.’ ”

Ezekiyeli 33:11

Ubabuzye ukuti, ‘U Mwene Uwamaka Ghosi ati: Naloliloli nkulapa, intakuhoboka nimfwa iya muntu umubibi, loli nkuhoboka nanti akuzileka imbibi nukuba nubumi. Mwee ba Izilayeli nyokako nukuzileka izila zyinyu imbibi! Nkimba mukufwilachi?’

Habakuku 2:14

Pakuti ichisu chikwiza pakwizula nu bumanyi ubwa buchindamu ubwa Mwene ngati mumo amizi ghizuliye munyanja.

Matayi 28:19

Po bukagha pakasi pabantu aba inko zyosi nukubapela pakuba bamanyili bane. Mubozyanje mwitabwa ilya Tata, nilya Mwana nilya Muzimu Umuzelu.

Maliko 16:15

Akababuzya akati, “Bukagha muchisu chosi ichapasi nukulumbilila Amazyu Amiza pakasi pabantu bosi.

Luka 1:77

Ukwiza pakubabuzya abantu bache ukuti bakwiza pakupokiwa pakuhobokeliwa imbibi zyabo.

Luka 14:23

Po u mwene wache akamubuzya uwambombo yula akati, ‘Bukagha mumisebo na kuzila izya kaya aka wize na bantu pamaka, ukuti inyumba yane yizule.

Luka 24:47

sona nukuti mwitabwa lyache amazyu ghalumbililiwe pakasi pabantu aba inko zyosi ukwandila mu Yelusalemu ukuti abantu bapinduke nukuzileka imbibi zyabo, sona nukuti u Chala abahobokele imbibi zyabo.

Yohani 14:6

U Yesu akamula akati, “Ane ne Zila, ne Bwanaloli, sona ne Bumi. Nayumo umuntu yuyo akubuka kwa Tata ukusita ukwendela mumwane.”

Yohani 17:17

Ubapaghule nu bwanaloli bwako ukuti babanje bazelu. Amazyu ghako ghanaloli.

Yohani 6:37

Bosi babo Utata wane akumpa bakwiza kukwane, sona bosi babo bakwiza kukwane ntakwiza pakubasula,

Aba Loma 11:14

Pamo ningabapela abantu abaluko lwane pakuba bantu abakabini, umwakuti ningabapoka bamo mumwabo.

1 Timoti 4:10

Ichi cho chifukwa tukwiyula nukubomba nkani imbombo, pakuti twabika ulusubilo lwitu mwa Chala umumi, yuyo Mupoki uwa bantu bosi, sona nkaninkani uwa bantu babo bakusubila.

2 Timoti 2:25

Abanje mololo, bo akubamanyisya abantu babo bakumususya nu lusubilo ulwakuti u Chala akwiza pakubapa ulusako ulwakupinduka nukuzileka imbibi zyabo nukubumanya ubwanaloli.

2 Timoti 3:7

babo bakuyezyayezya ukuti bamanyile, loli bate bakamanyilepo nalumolumo ubwanaloli.

Titi 1:1

Ane ne Pabuli, umubombi uwa Chala, sona nu mutumiwa uwa Yesu Kilisitu. Ane nkasaliwa ukuti imbavwe abantu babo bakasaliwa nu Chala ukuti basubile nukubalongolela ukuti babumanye ubwanaloli, sona nukuti babanje nubumi ubwakumwiputa,

Titi 2:11

Pakuti u Chala avumbula ichisa chache ukuti abantu bosi bapokiwe.

Aba Hebeli 10:26

Nanti tukuvimbilila bulo pakunanga bo twamanya ubwanaloli, chitalipo nachimo ichakwiyipa chicho chingapeghiwa pachifukwa icha mbibi zyitu.

Yakobo 3:14

Loli nanti mumoyo ghinyu muli na kabini nu bukali, sona nukwiyighana, mutakitutumulaye pachifukwa icha mahala ghinyu. Pakubomba bunubu kokuti mukubusula ubwanaloli.

2 Pitala 3:9

U Mwene atakuzyelazyela pakukwanilisya zizyo akalayizya, ukuyana namumo abantu bamo bakwinong'onela. Mubuzilo bwache, we mufisalyoyo namwe pakuti atakulonda ukuti nayumo umuntu azimile, loli ukuti umuntu wesi apinduke nukuzileka imbibi zyache.

2 Yohani 1:1

Ane ne songo uwa chipanga. Nkumusimbila umukolo yuyo asaliwe nu Chala, sona na bana bache babo imbaghanite nkani. Po inte nene nemwene ne imbaghanite, loli bope na bantu bosi babo babumenye ubwanaloli.

Ubuvumbuli 14:6

Pisinda pache nkennya uwantumi uyunji akubuluka mumwanyamwanya nkani, bo anyamuye Amazyu Amiza agha bwila na bwila aghakuti alumbilile pakasi pabantu bosi aba muchisu ichapasi. Banaba bo bantu abaluko losi, na bantu abavikolo vyosi, na bantu abaneno zyosi.