1 Timoti 2:3 - IBAYIBOLO 2024

³ Ichi chiza, sona chikumuhobosya nkani u Chala Umupoki witu,

Ulufingo Ulupya

³ Ichi chiza, sona chikumuhobosya nkani u Chala Umupoki witu,

1 Timoti 2:3 Iomraidhean Croise

Yesaya 45:21

Mwizaye sona lingannya inongwa yinyu pabulonjelo, baleka abanongwa banenezannye. Nkimba wewenu yuyo akanenela zila, zinizi pakubombiwa? Nkimba intakaba nene, ne Mwene, u Chala yuyo akupoka abantu bache? Atalipo u chala uyunji.

Luka 1:47

umuzimu wane ghuhobokite, pachifukwa icha Chala Umupoki wane.

Aba Loma 14:18

Sona nanti umuntu akumubombela u Kilisitu bunubu, akumuhobosya u Chala, sona nukupaliwa na bantu.

Aba Filipi 1:11

Ubumi bwinyu bukwiza pakwizula ni nkalo inyiza nkani yiyo yikwizila mwa Yesu Kilisitu. Pachifukwa chinichi abantu bakwiza pakumuchindika nukumupala u Chala.

Aba Filipi 4:18

Naloli napokela vyosi, sona indi navyo ivyinji. Ilelo indi navyo vyosi ivyakusobelwa, pakuti u Epafulodito ampiye vivyo mukantumila. Viyanite bulo ni chakwiyipa ichamunusi umwiza, ghugho ghukumuhobosya nkani u Chala.

Aba Kolosi 1:10

Pene po mukwiza pakwikalagha ukuyana namumo u Mwene akulondela, sona akabalilo kosi mukwiza pakubombagha chicho chikumuhobosya nkani. Ubumi bwinyu bukwiza pakupa ivikomwa ivyiza, sona amahala ghinyu aghakumumanyila u Chala ghakwiza pakonjelelakonjela.

1 Aba Tesalonika 4:1

Pabumalilo, bakamu bane, mukamanyila kukwitu mumo mubaghiye mwikalilaye, umwakuti mumuhobosye u Chala ukuyana namumo naloli mukwikalila. Po ilelo tukubalaba, nukubalambilizya nkani mwitabwa ilya Mwene u Yesu ukuti mubombaye bunubu ukuchilapo pakwanda.

1 Timoti 1:1

Ane ne Pabuli, umutumiwa uwa Kilisitu u Yesu ukuyana ni lamulo ilya Chala Umupoki witu, sona nilya Kilisitu u Yesu, yuyo lusubilo lwitu.

1 Timoti 4:10

Ichi cho chifukwa tukwiyula nukubomba nkani imbombo, pakuti twabika ulusubilo lwitu mwa Chala umumi, yuyo Mupoki uwa bantu bosi, sona nkaninkani uwa bantu babo bakusubila.

1 Timoti 5:4

Loli nanti umukolo umufwilwe ali na bana, pamo abizukulu, banaba bo babo babaghiye pakumanyila tasi ukumunyila u Chala munyumba zyabo. Pakubomba bunubu bakwiza pakubanyokezya abapapi na basekulu babo, zizyo bakapokela kukwabo, pakuti ichi chikumuhobosya nkani u Chala.

2 Timoti 1:9

Akatupoka nukutwitizya ukuti tubanje bantu bache abazelu. Akabomba bunubu, chite chifukwa ichakuti aswe tukabomba inyiza, awe. Loli pachifukwa icha mbatiko ni chisa chache. Akatupelela ichisa ukwendela mwa Kilisitu u Yesu, bo na kabalilo katandite.

Aba Hebeli 13:16

Mutakaluvyanje pakubombela ubwiza nukugabana vivyo muli navyo, pakuti ivi vyo vyakwiyipa vyitu vivyo vikumuhobosya u Chala.

1 Pitala 2:20

Nanti mukujimba bo mwakomiwa pachifukwa ichakubomba ububibi, nkimba mwakabapo choni? Loli nanti mukujimba pachifukwa ichakubomba inyiza, u Chala akwiza pakubasaya pachifukwa icha zinizi.

1 Pitala 2:5

Namwe bulo mubanje ngati gho mabwe amumi, aghakuti u Chala azengele inyumba iya buzimu, umwakuti mubanje mwe baputi abapaghuliwa, pakubika ivyakwiyipa ivyabuzimu vivyo vikumuhobosya u Chala ukwendela mwa Yesu Kilisitu.