1 Timoti 1:16 - IBAYIBOLO 2024

¹⁶ Loli u Chala akampelela ichisa, umwakuti ukwendela mumwane ne mubibi ukuchilapo, u Kilisitu u Yesu alanjizye ubufisalyoyo bwache, umwakuti ningaba ne chifwanikizyo pakubavwa abantu bosi babo bangasubila mumwache nukupokela ubumi ubwa bwila na bwila.

Ulufingo Ulupya

¹⁶ Loli u Chala akampelela ichisa, umwakuti ukwendela mumwane ne mubibi ukuchilapo, u Kilisitu u Yesu alanjizye ubufisalyoyo bwache, umwakuti ningaba ne chifwanikizyo pakubavwa abantu bosi babo bangasubila mumwache nukupokela ubumi ubwa bwila na bwila.

1 Timoti 1:16 Iomraidhean Croise

2 Imbili 33:19

Ulwiputo lwache sona namumo akamulambilizizya u Chala ni mbibi zyache zyosi nukusita kusubiliwa kwache na pakwiputilapo ivifwani ni vifwani ivya Ashela ni vifwani ivinji bo achili pakwiyisya, zyosi zisimbiwe mwibuku ilya Mbili iya balaghuzi.

Masalimo 25:11

Wee Mwene pachifukwa icha wewe, uhobokelaye imbibi napapo nkulu.

Ukufuma 34:8

Panapo na panapo u Mozesi akafughama nukumwiputa.

Yesaya 1:18

Po u Mwene akuti, “Zagha tunenezannye. Napapo imbibi zyinyu zingaba chee ngati libanda, zikwiza pakuba swee ngati we kabefu. Napapo zingaba nchesamu loli zikwiza pakuswepa ngati busapa.

Yesaya 43:25

“Ane nene nkuhobokela imbibi zyinyu, sona pachifukwa icha nene, ntakwiza pakuzikumbuka sona imbibi zyinyu.

Yesaya 55:7

Mubaleke ababomba mbibi, baleke inkalo zyabo imbibi, sona bope abantu ababibi bazileke inyinong'ono zyabo inyonganu. Baleke banyokele kwa Mwene, ukuti abapelele ichisa, sona nakwa Chala witu, pakuti akwiza pakubahobokela.

Ukubelengiwa 23:3

Po u Balamu akamubuzya u Balaki akati, “Ungimilila papipi ni chakwiyipa chako, bo ane nabuka kula, lumo u Mwene angiza pakukomana nane. Nkwiza pakukubuzya zyosi zizyo amvumbuliye.” Po akabuka mwene pamwanya pighamba.

Luka 15:10

Umwakuyana bulo, nkubabuzya nkuti, “Abantumi aba Chala bakuhoboka pa muntu weka uwambibi yuyo akupinduka nukuzileka imbibi.”

Luka 23:43

U Yesu akamubuzya akati, “Naloli nkukubuzya ukuti ilelo ukwiza pakuba nane ku Buzilo ubwa buhobosu kumwanya.”

Luka 7:47

Polelo nkukubuzya ukuti ulughano ulukulu lulo alanjizya lukusimikizya ukuti imbibi zyache inyinji zyahobokeliwa. Loli umuntu wesi yuyo ahobokeliwa panandi, ulughano lwache lope lunandi.”

Yohani 20:31

Loli ivi visimbiwe ukuti musubile ukuti u Yesu we Kilisitu, u Mwana uwa Chala sona nukuti nanti mwamusubila mubanje nubumi.

Yohani 3:36

Umuntu wesi yuyo akumusubila u Mwana ali nubumi ubwa bwila na bwila, sona wesi yuyo atakumusubila u Mwana atakwiza pakuba nubumi, loli u Chala akwiza pakumufunda.

Yohani 5:24

“Naloli nkubabuzya ukuti bosi babo bakwivwa amazyu ghane nukumusubila yuyo akantuma, bali nubumi ubwa bwila na bwila. Batakwiza pakulongiwa, loli balobokako kubufwe nukwinjila mubumi.

Yohani 6:37

Bosi babo Utata wane akumpa bakwiza kukwane, sona bosi babo bakwiza kukwane ntakwiza pakubasula,

Yohani 6:40

Pakuti zizyo Utata wane akulonda zyakuti abantu bosi, babo bakumwennya u Mwana nukumusubila, babanje nubumi ubwa bwila na bwila. Po ane nkwiza pakubazyusya pisiku ilyabumalilo.”

Yohani 6:54

Umuntu wesi yuyo akulya umubili wane nukung'wela ibanda lyane, ali nubumi ubwa bwila na bwila. Po nane nkwiza pakumuzyusya pisiku ilyabumalilo.

Imbombo 13:39

sona ukuti umuntu wesi yuyo akusubila mumwache, abwaghe ubupoki ubukulu nkani bubo umuntu anganeniwa pakuba mugholosu pakukonka Indaghilo izya Mozesi.

Aba Loma 15:4

Pakuti chosi chicho chikasimbiwa kale mu Masimbo, chikasimbiwa pakutumanyisya aswe, umwakuti tungaba nu lusubilo ukwendela mu bufisalyoyo nu lukazyo, lulo Amasimbo ghakutumanyisya.

Aba Loma 6:23

Pakuti amalipilo agha mbibi, bo bufwe. Loli ichabupi ichabulo icha Chala, bo bumi pakumamatilana poka nu Kilisitu u Yesu u Mwene witu.

1 Aba Kolinti 7:25

Pakunena nizya balindu babo batasendiwepo, ane inte ni lamulo nalimolimo ilyakufuma kwa Mwene, loli nkubapa inyinong'ono zyane pachifukwa ichakuti u Mwene akampelela ichisa ukuti imbanje ne muntu musubiliwa.

2 Aba Kolinti 4:1

U Chala muchisa chache atupiye imbombo iyi, po tutakunyokela mwisinda.

Aba Efeso 1:12

Ifundo yache yikaba yakuti aswe twe tukaba bakwanda pakuba nu lusubilo mwa Kilisitu, tubupale ubuchindamu bwache.

Aba Efeso 1:6

Zagha tumupale u Chala pachifukwa icha chisa chache icha buchindamu pakutupa umwana wache umughaniwa ukuti abanje chabupi bulo.

Aba Efeso 2:7

umwakuti angatulanjizya ichisa chache ichikulu nkani pakabalilo kako kakwiza pakwendela mwa Kilisitu u Yesu.

2 Aba Tesalonika 1:10

Pisiku lilalila akwiza pakupeghiwa umuchizi na bantu bache bosi abazelu, sona akwiza pakuchindikiwa na bantu bache bosi babo bakusubila. Namwe bulo mukwiza pakuba nabo, pakuti mukaghasubila amazyu ghagho tukababuzya.

1 Timoti 1:13

napapo kale nkaba ne wamusamu nu muvwimi, sona nu wavyongo. Loli u Chala akampelela ichisa, pachifukwa ichakuti intakachimanya chicho nkabombagha, pakuti intakaba nu lwitiko.

Aba Hebeli 7:25

Ichi cho chifukwa amenye pakubapoka abantu bosi babo bakwiza kwa Chala ukwendela mumwache. Pakuti umwene mumi bwila na bwila pakubalambilizikizya kwa Chala.

1 Pitala 3:20

Imizimu yiniyi yikaba ya bantu babo batakamwivwilagha u Chala, bo u Chala akulindilila mubufisalyoyo, mumasiku ghagho u Nowa akazengelagha ubwato. Abantu eyiti, abanandi bulo mubwato mulamula, bo babo bakapokiwa na mizi ghalaghala.

2 Pitala 3:15

Mukumbukaye ukuti ubufisalyoyo ubwa Mwene witu ko kubapa ulusako abantu abanji ukuti bapone ukuyana namumo u Pabuli umughaniwa witu yula akabasimbila pakubombezya amahala ghagho u Chala akamupa.

2 Pitala 3:9

U Mwene atakuzyelazyela pakukwanilisya zizyo akalayizya, ukuyana namumo abantu bamo bakwinong'onela. Mubuzilo bwache, we mufisalyoyo namwe pakuti atakulonda ukuti nayumo umuntu azimile, loli ukuti umuntu wesi apinduke nukuzileka imbibi zyache.