1 Timoti 1:11 - IBAYIBOLO 2024

¹¹ Ichimanyisyo ichenecho chikwaghiwa mu Mazyu Amiza, aghakunena nizya buchindamu ubwa Chala umusayiwa ghagho umwenecho akampa ukuti indumbilile.

Ulufingo Ulupya

¹¹ Ichimanyisyo ichenecho chikwaghiwa mu Mazyu Amiza, aghakunena nizya buchindamu ubwa Chala umusayiwa ghagho umwenecho akampa ukuti indumbilile.

1 Timoti 1:11 Iomraidhean Croise

Masalimo 138:2

Nkwiza pakufughamila kunyumba yako izelu, sona nkwiza pakulipala itabwa lyako pachifukwa icha lughano nu busubiliwa bwako, pakuti walanjizya ukuti itabwa lyako na mazyu ghako, vili pamwanya ukuchila ivintu vyosi.

Luka 2:14

“Ubuchindamu kwa Chala uwakumwanya nkani, umutende pachisu ichapasi pakasi pabantu babo u Chala akuhoboka nkani nabo!”

Aba Loma 2:16

Ukuyana namumo ghakunenela Amazyu Amiza ghagho nkulumbilila, umu momumo kukwiza pakubela, bo u Chala akwiza pakulonga inyinong'ono izyakubusyefu mwitabwa ilya Yesu Kilisitu.

1 Aba Kolinti 9:17

Pakuti nanti nkabombagha imbombo iyi nu bwighane ubwane nu bwane, po ngali napokela umuvwalo, loli nkubomba bulo imbombo yiyo u Chala akampa.

2 Aba Kolinti 4:4

Abene batakusubila pakuti u Satana, u chala uwa muchisu ichapasi azikite amoyo ghabo ukuti batakalwennyanje ulukozyo ulwa buchindamu ubwa Mazyu Amiza agha Kilisitu, yuyo nkozya bulo iya Chala.

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.

Aba Galatiya 2:7

Loli bakennya ukuti u Chala akampa imbombo iyakulumbilila Amazyu Amiza pakasi pabantu babo bate ba Yuda ukuyana bulo namumo u Pitala akapeghiwa imbombo iyakulumbilila Amazyu Amiza pakasi paba Yuda.

Aba Efeso 1:12

Ifundo yache yikaba yakuti aswe twe tukaba bakwanda pakuba nu lusubilo mwa Kilisitu, tubupale ubuchindamu bwache.

Aba Efeso 1:6

Zagha tumupale u Chala pachifukwa icha chisa chache icha buchindamu pakutupa umwana wache umughaniwa ukuti abanje chabupi bulo.

Aba Efeso 2:7

umwakuti angatulanjizya ichisa chache ichikulu nkani pakabalilo kako kakwiza pakwendela mwa Kilisitu u Yesu.

Aba Efeso 3:10

umwakuti ukwendela muchipanga abamwene na balaghili bosi aba kumwanya baghamanye amahala aghakulekanalekana agha Chala.

Aba Kolosi 1:25

Po ane ne mubombi uwa chipanga, pakuti we Chala yuyo akampa imbombo yiniyi iyakuti imbalumbilile amazyu ghache umwakufikapo.

1 Aba Tesalonika 2:4

Loli tukunena ngati twe bantu babo bitikiziwe nu Chala ukuti balumbilile Amazyu Amiza. Po bo tukulumbilila tutakulonda pakuhobosya abantu, awe, loli pakumuhobosya u Chala, yuyo azimenye inyinong'ono zyitu.

1 Timoti 2:7

Ichi cho chifukwa nkasaliwa pakuba ne mulumbilili nu mutumiwa, sona nu mumanyisi uwa lwitiko ulwanaloli uwa bantu babo bate ba Yuda. Nkunena ubwanaloli, intakutamanta, awe.

1 Timoti 6:15

Ukuboneka kwache kukwiza pakulanjiziwa pakabalilo kache akiza, kako kakayaniziwa nu Chala, umusayiwa, sona yuyo Mulaghili mwene, Usongo uwa basongo, sona nu Mwene uwa bamwene.

1 Timoti 6:20

Wee Timoti, usunge akiza vivyo ukapeghiwa ukuti usunge. Ughaleghuke amazyu amasita mbombo, sona nukudalinkana ukwa bupunganu, vivyo abantu abamyasi bakuti gho mahala.

2 Timoti 1:11

Nkasaliwa ukuti imbanje ne mutumiwa nu mumanyisi ukuti indumbilile Amazyu Amiza ghanagha,

2 Timoti 1:14

Ukwendela mumaka agha Muzimu Umuzelu yuyo akwikala mumwitu, sungilila akiza ubwanaloli bubo busungisyiwe mumwako.

2 Timoti 2:2

Ukanyivwa nkulumbilila ivintu vinivi pamaso pa bakaboni abinji. Polelo ubamanyisye ivintu vinivi abantu abasubiliwa, babo bope babamanyisye abantu abanji.

Titi 1:3

Pakabalilo kache akiza, akavumbula amazyu ghache ukwendela pakulumbilila amazyu ghache, ghagho u Chala Umupoki witu akampa.