1 Timoti 1:10 - IBAYIBOLO 2024

¹⁰ na bamalaya, na banavuli babo bakughonana benebene, na bakwiba abantu, na bamyasi, na bakaboni abamyasi, sona na bosi babo bakususannya ni chimanyisyo ichenecho.

Ulufingo Ulupya

¹⁰ na bamalaya, na banavuli babo bakughonana benebene, na bakwiba abantu, na bamyasi, na bakaboni abamyasi, sona na bosi babo bakususannya ni chimanyisyo ichenecho.

1 Timoti 1:10 Iomraidhean Croise

Ubwandilo 19:5

Bakamwitizya u Loti nukumulalusya ukuti, “Buli bali ko kwiyi abantu babo bizite pabusiku kuno? Bafumye kuzi kuno, ukuti tughone nabo!”

Ubwandilo 37:27

Aswe zagha tumughulizye ku bantu aba mu Ishimayeli. Nkimba wepe te we wamwitu, umubili ghoka, sona ibanda lyoka?” Abawamwabo bala bakitikizya zinizi.

Ubwandilo 40:15

Pakuti naloli nkibiwa muchisu icha ba Hebeli, sona na kuno bulo intanangitepo nachimo ichakuti banyighalile nacho mujele.”

Ukufuma 20:7

“Utakalitambulaye pabulo itabwa ilya Mwene u Chala wako, pakuti ane ne Mwene nkwiza pakumufunda umuntu wesi yuyo akulitambula pabulo itabwa lyane.

Ukufuma 21:16

“Umuntu wesi yuyo akumwiba umuntu uyunji, manyi akumughulizya, manyi akumusunga bulo ngati muzya, aghoghiwanje.

Hoseya 10:4

Bakulayizya pakubomba ivintu ivyinji nkani, bakulapa ivilapo ivyabumyasi, sona bakunena amazyu ghagho ghate ni mbombo, bo bakulapa ivilapo. Polelo ubulongi bwabo bukumela ngati lisote ibibi.

Aba Levi 18:22

Utakaghonanaye nu mwanavuli ngati po ukughonana nu mukolo. Chinichi cho chintu ichamwiko.

Aba Levi 20:13

“ ‘Nanti umwanavuli akughona nu mwanavuli uwamwabo ngati po akughona nu mukolo, bosi babili baghoghiwanje, pachifukwa ichakubomba ivintu ivinyazu, sona bipalaghulila bene inongwa.

Zekaliya 5:4

U Mwene Uwamaka Ghosi akuti, ‘Nkwiza pakutuma ichighune, chikwiza pakwinjila munyumba iya mwiba wesi yula sona na munyumba iya muntu wesi yuyo akulapa umwabumyasi. Chikwiza pakubanga munyumba yache, nukubaleka bo chinanganizye vyosi vibili amatabwa na mabwe.’ ”

Zekaliya 8:17

mutakamwinong'onelaye umupalamani winyu ichintu ichibibi, sona mutakalapilaye mubumyasi. Ane invibengite nkani ivintu vinivi.” U Mwene anena.

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Yohani 8:44

Amwe mwe bana aba Satana, po mukulonda pakukonka ivinyonywa ivya ghuso. Ukwandila ko kubwandilo umwene akaba mughoghi, sona ate nalumolumo kulubazu ulwa bwanaloli pakuti ubwanaloli mumwache butalimo. Umwene pakunena ubumyasi, cho chakulya chache pakuti umwene we mumyasi, sona wemwenecho uwa bumyasi bosi.

Aba Loma 1:26

Pachifukwa chinichi u Chala akabaleka abantu ukuti babombaye bulo ivinyonywa ivyakukozya isoni. Na bakolo bulo bakutanana inkalo iyakupapiwa nayo iyakughonana na banavuli, ni nkalo yiyo yitakwitikiziwa.

Ukukumbusya Amalamulo 24:7

Nanti umuntu yuyo akumwiba umu Izilayeli uwamwabo, pamo akumupima pakuba muzya, pamo akumughulizya, umuntu yulayula aghoghiwanje. Bunubu mukwiza pakwefyapo ububibi pakasi papinyu.

1 Timoti 4:6

Nanti ukubalingannya abakamu bako ivintu ivi, ukwiza pakuba we mubombi umwiza uwa Kilisitu u Yesu, uwakukulila mulwitiko na mubumanyisi ubwanaloli bubo wakonkagha.

1 Timoti 6:3

Nanti umuntu yumo akumanyisya ichimanyisyo ichakulekana ni vintu ivi, sona atakwivwana na mazyu aghanaloli agha Mwene, u Yesu Kilisitu ni vimanyilo ivya chiputo chitu.

2 Timoti 1:13

Uchilemezyanje ichimanyisyo ichanaloli chicho ukivwa kukwane, umwakuti chibanje chifwanikizyo chicho ubaghiye pakuchikonka. Ubombaye zinizi nu lwitiko, sona nu lughano, vivyo tuli navyo pakumamatilana poka nu Kilisitu u Yesu.

2 Timoti 4:3

Pakuti akabalilo kakwiza, po abantu bakwiza pakuchikana ichimanyisyo ichanaloli. Loli bakwiza pakukonka ivinyonywa vyabo nukwibunganikila bene abamanyisi abinji, babo bakwiza pakubabuzya zizyo amakutu ghabo ghakunyeghela ukuti ghivwe.

Titi 1:13

Ulusimikizyo ulu lwanaloli. Pachifukwa ichi ubaghiye ubachemele nkani abantu balabala, umwakuti babanje bamaka mulwitiko,

Titi 1:9

Alemezye amazyu amasubiliwa ukuyana ni chimanyisyo chane, umwakuti angabakazya abantu abanji ni chimanyisyo ichanaloli, sona nukubapota abantu babo bakususannya ni chimanyisyo chinichi.

Aba Hebeli 13:4

Isendwa yichindikiwanje na bantu bosi, umuchi nu mulume basubilanaye. Pakuti u Chala akwiza pakubalonga abamalaya na balowe.

Yuda 1:7

Mukumbuke sona u Sodomu nu Gomola, nutwaya utupalamani, tuto abantu bache bakalowa nukubomba ivintu ivibibi. Abantu banaba bakafundiwa numoto uwa bwila na bwila pakuba chifwanikizyo ichakubasoka abantu bosi.

Ubuvumbuli 18:13

ivyakunonezya ivyakulya ni vyakununkila ivya mila, uvinyo na mafuta nu busu ubutinye ni ngano ni ing'ombe ni ng'oz ni ifalasi ni ngolo na bazya sona na bantu bulo.

Ubuvumbuli 21:27

Loli mute mukinjilemo nachimochimo ichintu chicho chinyazu, pamo umuntu wesi yuyo akubomba imbombo izya kukozya isoni pamo umumyasi. Abantu bene babo amatabwa ghabo ghasimbiwe mwibuku ilya bumi ilya Mwana uwa ng'ozi, bo babo bakwiza pakwinjilaghamo.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”

Ubuvumbuli 22:15

Loli kuzi ukwa kaya akakulu nkani kuli imbwa na bamayele na bamalaya na baghoghi na bakwiputa ivifwani sona na babo babughanite ubumyasi.