1 Samuweli 9:7 - IBAYIBOLO 2024

⁷ U Sabuli akamulalusya uwambombo yula akati, “Nanti tungabuka kulakula, nkimba tungamusendela ichoni umuntu yunuyu?” Ichakulya chicho tukapaya mumasaka ghitu chamala. Aswe tute ni chabupi nachimochimo ichakuti tungamusendela umubombi uwa Chala yula. Nkimba tuli nacho chimo?

1 Samuweli 9:7 Iomraidhean Croise

1 Abamwene 13:7

U mwene akamubuzya umulaghuzi yula akati, “Twende kunyumba pakulya ichakulya, sona nkwiza pakukupa ichabupi.”

1 Abamwene 14:3

Usendeko ivibama teni, ni vitumbuwa, sona nu lubako ulwa buchi. Po akwiza pakukubuzya zizyo zikwiza pakumuwila umulumendo uyu.”

2 Abamwene 4:42

Isiku limo umuntu yumo akiza ukufuma ku Baala Shalisha, po akamusendela umuntu uwa Chala ivibama 20 ivya mapemba aghakwanda pakutona, sona ni mitu iya malezi aghakwanda pakutona. U Elisha akamubuzya uwambombo wache akati, “Ubape abantu ukuti balye.”

2 Abamwene 5:15

Pisinda pache u Naamani poka na bambombo bache bakanyokela kumuntu uwa Chala yula. Bakimilila pamaso papache nukumubuzya ukuti, “Naloli nazimanya ukuti atalipo u Chala uyunji muchisu ichapasi, loli mwene mu Izilayeli. Nalamba pokela ichabupi chane ichi.”

2 Abamwene 5:5

U mwene akamwamula akati, “Bukagha kwa mwene uwamu Izilayeli nu kalata uyu.” Po u Naamani akabuka, bo asendite isalabazya 30,000 izya siliva ni salabazya 6,000 izya golide sona na menda 10 agha palusekelo.

2 Abamwene 8:8

akamubuzya u Hazayeli akati, “Senda ichabupi, ukomane nu muntu uwa Chala yula. Umulabe ukuti ambuzikizizyeko kwa Mwene ukuti, ‘Nkimba ububine bwane bukwiza pakupola pamo awe?’ ”

2 Abamwene 8:9

Po u Hazayeli akabuka pakukomana nu Elisha, akasenda ichabupi icha vintu ivyakulekanalekana ivyamutengo nkani ivya mu Damasika, vivyo vikanyamuliwa ni ngamila 40. Bo afika, akakomana nu Elisha nukumubuzya ukuti, “Umubombi wako u Beni Hadadi, u mwene uwa ba Siliya antuma ukuti, umubuzikizizyeko kwa Mwene ukuti, ‘Nkimba ububine bwache bukwiza pakupola pamo awe?’ ”

Ezekiyeli 13:19

Mwankozya isoni pakasi pabantu bane pachifukwa ichakupokela amapemba amanandi bulo nu tumenyu utwa chibama. Mwabazimbula abantu bane, babo bakuteghelezya ubumyasi, mwabaghogha abantu babo batabaghiye pakufwa nukubaleka babo batabaghiye pakuba bumi.

Abalongi 6:18

Nalamba utakepepo pano mupaka inyokele sona pakubika ichakwiyipa chane pamaso papako.” Po u Mwene akamula akati, “Nkwiza pakukulindilila mupaka unyokeko.”