1 Samuweli 9:6 - IBAYIBOLO 2024

⁶ Loli uwambombo yula akamwamula akati, “Mukaya akakulu aka muli umuntu yumo uwa Chala umuchindikiwa nkani, pachifukwa ichakuti zyosi zizyo akunena zikukuba zyanaloli. Twende tubuke kulakula, lumo angatubuzya kuko tungazyagha impunda zila.”

1 Samuweli 9:6 Iomraidhean Croise

Ubwandilo 24:42

“Bo nafika pachiziba nkiputa nkati, ‘Wee Mwene u Chala uwa mwene wane u Abulahamu, nalamba ubusaye ubulendo ubu.

2 Samuweli 15:27

U mwene akamubuzya sona umuputi u Zadoki akati, “Nkimba awe te we mwenelezyi? Nyokela mukaya akakulu nkani mumutende, poka nu mwana wako u Ahimazi nu Yonatani umwana uwa Abiyatala.

1 Abamwene 13:1

U Mwene akamulamula umulaghuzi uwamu Yuda ukuti abuke ku Beteli, po akafika kulakula bo u Yelobowamu imiliye pa palubazu ulwa chighemo akubika ichakwiyipa.

2 Abamwene 5:8

Bo u Elisha, umuntu uwa Chala, ivwa ukuti u mwene uwamu Izilayeli azepula amenda ghache, akamutumila u mwene yula amazyu aghakuti, “Nkimba choni chicho wazepula amenda ghako? Muleke umuntu yunuyu ize kuno, umwakuti amanye ukuti mu Izilayeli muli umulaghuzi.”

2 Abamwene 6:6

Po umuntu uwa Chala u Elisha akalalusya akati, “Nkimba yawila piyi?” Bo amulanjizya papo yikawila, u Elisha akadumula akakwi nukukasumbila pabuzilo bulabula, po intemo yila yikambama.

Masalimo 25:12

Nkimba pali umuntu yumo uwakumunyila u Mwene? Po u Mwene akwiza pakumumanyisya izila izyakuti asale.

Yesaya 44:26

yuyo akunyamula amazyu agha babombi bache, nukukwanilisya zizyo intumi zyache zikanenela zila, yuyo akunena nizya Yelusalemu ukuti, ‘Akwiza pakuba na bantu abakwikalamo,’ mutwaya utukulu utwa Yuda, ‘Tukwiza pakuzengiwa sona,’ ivisami vyabo vyope, ‘Nkwiza pakuvizenga sona,’

Matayi 24:35

Kumwanya ni chisu ichapasi vikwiza pakumala, loli amazyu ghane ghakwiza pakuba na maka bwila na bwila.

Ukukumbusya Amalamulo 33:1

Bo u Mozesi, umuntu uwa Chala achili pakufwa akabasaya aba Izilayeli.

1 Aba Tesalonika 2:10

Amwe mwe bakaboni bitu, sona nu Chala wepe, we kaboni witu ukuti inkalo yitu kukwinyu mwe bitiki yikaba nzelu, yikaba ngolosu, sona yitakaba ni chilema nachimochimo.

1 Aba Tesalonika 5:13

Mubachindikaye nkani nu lughano pachifukwa icha mbombo yiyo bakubomba. Mwikalaye mumutende mwebosi.

1 Timoti 6:11

Loli awe, we mubombi uwa Chala uvileghuke ivintu vyosi vinivi. Ubanje nu moyo uwakubulondelezya ubugholosu, nukumunyila u Chala nu lwitiko nu lughano nu bufisalyoyo, sona nu bololo.

1 Samuweli 2:27

Isiku limo umubombi uwa Chala akiza kwa Eli nukumubuzya ukuti, “U Mwene ati, ‘Nkimba ane ntakivumbula nemwene ku munyenya wako u Aloni, poka na bamunyumba yache, pakabalilo kako bakaba bazya aba Falabo mu Ijiputi?

1 Samuweli 9:8

Uwambombo yula akamwamula akati, “Indi ni salabazya yoka iya siliva, po nkwiza pakumupa umubombi uwa Chala yula, ukuti atubuzye kuko tungazyagha impunda zila.”