1 Samuweli 9:21 - IBAYIBOLO 2024

²¹ U Sabuli akamula akati, “Loli ane ne mu Benjamini, lulo luko lunandi nkani pakasi pa inko zyosi izya Izilayeli. Po nkimba ukukumbusya bulibuli amazyu ghanagha?”

1 Samuweli 9:21 Iomraidhean Croise

Masalimo 68:27

Pantazi papabo pali uluko ulunandi ulwa Benjamini, pisinda papabo pali amakambala agha luko ulwa Yuda, po pisinda papabo pali amakambala agha luko ulwa Zebuloni nulwa Nafutali.

Masalimo 68:28

Wee Chala, lanjizya amaka ghako, bika pabuzelu amaka ghako, ngati mumo ukabombela pakwanda.

Hoseya 13:1

Bo u Efulayimu anena, abantu bakatetema, bakamukwezya nkani u Izilayeli. Loli akananga pachifukwa icha kumwiputa u Baala, po akafwa.

Luka 14:11

Pakuti umuntu wesi yuyo akwikwezya mwene akwiza pakwisiwa, sona umuntu wesi yuyo akwiyisya mwene akwiza pakukweziwa.”

Aba Efeso 3:8

Napapo ne munandi nkani ukuchila abantu bosi abazelu aba Chala, pope bulo ichisa ichi chikalanjiziwa kukwane ukuti indumbilile pakasi pabantu babo bate ba Yuda nizya bukabi ubusita impaka ubwa Kilisitu

1 Samuweli 10:27

Loli abantu bamo abamwalwemwalwe bakati, “Nkimba umuntu yunuyu angatupoka bulibuli?” Bakamusamula u Sabuli, sona batakamupa ivyabupi navimovimo. Loli u Sabuli akaba bulo myee.

1 Samuweli 14:51

Uwise uwa Sabuli u Kishi nu wise uwa Abinala u Neli bakaba bana aba Abiyeli.

1 Samuweli 15:17

U Samuweli akati, “Napapo kale ukipimagha wemwene pakuba we mwana umunandi nkani, nkimba te we mulongozi uwa inko izya Izilayeli? U Mwene akakupakazya amafuta ukuti ubanje we mwene uwa ba Izilayeli.

1 Samuweli 18:18

Loli u Devedi akamulalusya u Sabuli akati, “Nkimba ane ne wenu, sona abamunyumba iya tata bo bawenu muchisu icha Izilayeli ukuti imbanje ne mukwalima uwa mwene?”

1 Samuweli 18:23

Po amakambala ghala ghakamubuzya u Devedi amazyu ghanagha. Loli u Devedi akanena akati, “Fwandi mukuchisenda chintu chipepe nkani pakuba mukwalima uwa mwene? Ane ne muntu umupina, sona te nemumanyikwe napo panandi.”

1 Samuweli 9:22

Po u Samuweli akamwinjizya u Sabuli nu wambombo wache yula muchipinda ichikulu nukubikazya pabuzilo ubwa muchizi kuntazi ukwa bantu abakwitiziwa, babo bosi poka bakabapo pipipipi 30.