1 Samuweli 9:2 - IBAYIBOLO 2024

² U Kishi akaba nu mwana umulumendo yuyo akaba we Sabuli. U Sabuli akaba mulumendo uwakuboneka akiza nkani, umwakuti pakasi paba Izilayeli patakabapo nayumo yuyo akayana nawe, sona akaba muntu mutalipo ukubachila abanji bosi.

1 Samuweli 9:2 Iomraidhean Croise

Ubwandilo 6:2

Abana abalumendo aba Chala bakennya ukuti abana abalindu aba bantu bakabonekagha akiza, po bakanda pakubasenda babo bakabaghana.

1 Imbili 8:33

U Neli akapapa u Kishi. U Sabuli akapapa u Yonatani nu Malikishuwa nu Abinadabu sona nu Eshibali.

Yelemiya 9:23

U Mwene akuti, “Uwamahala atakituvyanje chifukwa icha mahala ghache pamo uwamaka atakituvyanje pachifukwa icha maka ghache, pamo umukabi atakituvyanje pachifukwa icha bukabi bwache.

Ukubelengiwa 13:33

Abantu babo tukabennya muchisu chila bakaba batalibatali bene abaluko ulwa Anaki. Aswe tukabonekagha ngati zyo mpazi, sona bope bakatwennyanga ngati zyo mpazi.”

1 Samuweli 10:21

Po akiza nabo pantazi paba Benjamini, ukuyana nuluko lwabo, sona uluko ulwa Matili lo lulo lukasaliwa. Pabumalilo pache, u Sabuli umwana uwa Kishi weyuyo akasaliwa. Loli bo bakumulondelezya, batakamwagha nakumokumo.

1 Samuweli 16:7

Loli u Mwene akamubuzya u Samuweli akati, “Utakennyanje akabonekele kache, pamo ubutali bwache, pakuti ane namukana. U Mwene atakwennya ukuyana namumo abantu bakwenezezya. Abantu bakwennya akabonekele, loli u Mwene akwennya mumoyo.”

1 Samuweli 17:4

Po umuntu uwamaka nkani, yuyo akaba we Goliyati uwamu Gati akafuma muvisakasa ivya ba Filisiti. Ubutali bwache bukaba amamita matatu.

1 Samuweli 9:3

Isiku limo impunda zimo izya Kishi zikasobela. Po akamulamula umwana wache u Sabuli akati, “Sendapo uwambombo weka pakuzilondelezya impunda zizyo zisobelite.”