1 Samuweli 9:16 - IBAYIBOLO 2024

¹⁶ “Indabi pakabalilo ngati kanaka nkwiza pakumutuma umuntu uwa muchisu icha Benjamini. Umupakazye amafuta ukuti abanje we mwene uwa bantu bane aba Izilayeli. Akwiza pakubapoka abantu bane munyobe izya ba Filisiti. Naghennya amayimba agha bantu bane, sona nivwa ukulila kwabo.”

1 Samuweli 9:16 Iomraidhean Croise

2 Samuweli 3:18

Losi ulu bombapo zimo, pakuti u Mwene akamulayizya u Devedi akati, ‘Nkwiza pakubapoka abantu bane aba Izilayeli munyobe izya ba Filisiti, sona na munyobe izya balwani babo ukwendela mu mubombi wane u Devedi.’ ”

2 Abamwene 20:5

“Nyokela umubuzye u Hezekiya, umulongozi uwa bantu bane uti: U Mwene, u Chala uwa munyenya wako u Devedi akuti, ‘Ane nivwa ulwiputo lwako, sona naghennya amasozi ghako, nkwiza pakukupozya umwakuti pisiku ilyabutatu ukwanda ilelo, ukwiza pakubuka ku Nyumba iya Mwene.

Masalimo 102:1

Wee Mwene, ivwa ulwiputo lwane, sona ivwa ukulila kwane.

Masalimo 106:44

Loli u Mwene akazyennya intamyo zyabo, sona akivwa ukulila kwabo.

Masalimo 25:18

Zyennye intamyo na mayimba ghane, sona unhobokelaye imbibi zyane zyosi.

Ivyili 16:9

Umoyo uwa muntu ghukwinong'ona izyakubomba, loli u Mwene weyuyo akukalongozya akendele kache kosi.

Yelemiya 32:8

“Po ngati mumo u Mwene akanenela, Hanameli umuvyala wane akanyizila muchipinda icha balindilili nukunena nane ukuti, ‘Ghula umughunda wane uwa ku Anatoti muchigaba icha Benjamini pachifukwa ichakuti ubaghiye pakughutabula ukuti ghubanje wa bamunyumba yako.’ “Nkamanya ukuti amazyu ghanagha ghakaba gha Mwene.

1 Samuweli 10:1

U Samuweli akasenda ibotolo ilya mafuta nukughapungulila pamutu uwa Sabuli, po akamufyofyonta. Akanena akati, “U Mwene akupakazya ukuti ubanje we mwene uwa bantu bache aba Izilayeli. Ukwiza pakubalaghila abantu bache nukubapoka munyobe izya balwani babo.

1 Samuweli 14:20

Po u Sabuli na bantu bache bosi bakabungana pakulwa ubwite naba Filisiti bala, nukubagha aba Filisiti bala bakaghoghanagha benebene pachifukwa icha kuvulungana.

1 Samuweli 14:23

Po pisiku lilalila u Mwene akabapoka aba Izilayeli, sona ubwite bula bukalobokela mupaka mukaya akakulu nkani aka Beti Aveni.

1 Samuweli 15:1

U Samuweli akamubuzya u Sabuli akati, “Ane ne muntu yuyo u Mwene akantuma ukuti nkupakazye amafuta ukuti ubanje we mwene uwa bantu bache aba Izilayeli. Po losi ulu ivwa amazyu agha Mwene.

1 Samuweli 16:1

U Mwene akamubuzya u Samuweli akati, “Nkimba ukwiza pakuba ni chitima nu Sabuli mupaka liyi, pakuti ane namukana ukuti atakabanje sona we mwene uwa ba Izilayeli? Losi ulu senda amafuta ubuke kunyumba iya Yese mu Betelehemu. Ane namusala yumo umwana wache umulumendo ukuti abanje we mwene.”

1 Samuweli 16:3

Umwitizye u Yese ukuti ize kuko ukubika ichakwiyipa, po nkwiza pakukubuzya izyakubomba. Umupakazye amafuta umuntu yuyo nkwiza pakukuvumbulila.”