1 Samuweli 8:7 - IBAYIBOLO 2024

⁷ U Mwene akamwamula akati, “Bomba bulo zyosi zizyo abantu banaba bakulonda. Abantu banaba batakukukana awe, loli bakunkana ane ukuti imbanje ne mwene wabo.

1 Samuweli 8:7 Iomraidhean Croise

Ukufuma 16:8

U Mozesi akati, “We Mwene yuyo akwiza pakubapa inyama iyakuti mulye pachamabwila, sona nukubapa ivibama pandabindabi ichakuti mulye nukwikuta, pachifukwa ichakuti ivwa amilumbusyo ghinyu ghosi. Nkimba aswe twe bawenu? Mutakwilumbusya kukwitu, awe, loli kwa Mwene.”

Yesaya 66:4

po nane bulo nkwiza pakubizila nintamyo, pavintu vivyo bakuvinyila. Pakuti bo nkubitizya patakabapo nayumo uwa kunyamula, bo nkunena, patakabapo nayumo uwakanteghelezya. Bakabomba imbibi pamaso papane nukusala vivyo vitakunhobosya.”

Yelemiya 34:14

‘Mumwaka ghosi uwaseveni, wesi uwa amwe amusatule mubuzya umu Hebeli wesi yuyo akighulizya kukwinyu nukubomba imbombo amaka sikisi.’ Loli abanyenya binyu batakanteghelezya sona bakighalila amakutu ghabo.

Ezekiyeli 2:3

Akati, “Wee Mwana uwa muntu, nkukutuma kuba Izilayeli, uluko ulwakusambuka lulo lunsambukiye. Abene poka nabanyenya babo bansambukiye mupaka nilelo bulo.

Ezekiyeli 3:7

Loli aba Izilayeli batakulonda pakukuteghelezya, pachifukwa ichakuti batakulonda pakunteghelezya. Pakuti bosi bamadinko sona ba moyo amakafu.

Ukubelengiwa 22:20

Ubusiku bulabula u Chala akamwizila u Balamu nukumubuzya ukuti, “Pachifukwa ichakuti abantu banaba biza pakukwitizya ukuti ubukaye nabo, bukagha poka nabo. Loli ubombaye bulo zyene zizyo nkukubuzya.”

Matayi 10:40

“Umuntu wesi yuyo akubapokela akiza akumpokela nene. Umuntu wesi yuyo akumpokela akiza, akumupokela wepe bulo yuyo akantuma.

Luka 10:16

U Yesu akababuzya abamanyili bache akati, “Umuntu wesi yuyo akubateghelezya, akunteghelezya nane bulo. Umuntu wesi yuyo akubakana, akunkana nane bulo. Umuntu wesi yuyo akunkana, akumukana wepe yuyo akantuma.”

Luka 19:14

Loli abantu aba mukaya kache bakamubenga, po bakatuma intumi ukuti, ‘Aswe tutakumulonda umuntu uyu pakuba we mwene witu.’

Luka 19:27

Loli abalwani bane babo batakandondagha ukuti imbanje ne mwene wabo, mwize nabo kuno nukubaghogha pamaso papane.’ ”

Yohani 13:16

Naloli nkubabuzya ukuti umuzya atakubapo nalumolumo wapamwanya ukumuchila u mwene wache, awe, sona umutumiwa atakubapo nalumolumo uwapamwanya ukumuchila yuyo akamutuma.

Abalongi 8:23

U Gidiyoni akabamula akati, “Ane ntakwiza pakubalaghila, wepe umwana wane atakwiza pakubalaghila, awe. Loli u Mwene weyuyo akwiza pakubalaghila.”

1 Samuweli 10:19

Loli ilelo mwamukana u Chala winyu, yuyo akabapoka muntamyo zyinyu na mumayimba ghinyu ghosi. Amwe mwambuzya mwati, ‘Awe! Utwimikile u mwene.’ Polelo mubungane pamaso pa Mwene ukuyana ninko zyinyu, sona ni nyumba zyinyu.”

1 Samuweli 12:1

U Samuweli akababuzya aba Izilayeli akati, “Nabomba zyosi zizyo mukalondagha, sona nabimikila u mwene ukuti abalaghilaye.

1 Samuweli 12:12

“Loli bo mwennya ukuti u Nahashi u mwene uwa ba Amoni akwiza pakulwa namwe ubwite, amwe mukambuzya mukati, ‘Awe, tukulonda u mwene ukuti atulaghilaye, napapo u Mwene u Chala winyu akaba we mwene winyu.’

1 Samuweli 8:22

U Mwene akamwamula u Samuweli akati, “Bomba bulo zyosi zizyo abantu bakulonda, ubape u mwene.” Po u Samuweli akababuzya aba Izilayeli akati, “Mwebosi bwelagha kukaya.”

1 Samuweli 8:8

Ukwandila pisiku lilyo nkabefyamo mu Ijiputi mupaka nilelo, bakunkana, sona bakubabombela abachala abanji. Po ilelo bakukubombela bulo bulabula.