1 Samuweli 8:6 - IBAYIBOLO 2024

⁶ Loli bo banena amazyu aghakuti, “Utusalile u mwene uwakuti atulaghilaye.” Amazyu ghalaghala ghatakamuhobosya u Samuweli. Po u Samuweli akiputa kwa Mwene.

1 Samuweli 8:6 Iomraidhean Croise

Masalimo 109:4

Nanti nkubaghana, abene bakumbenga, loli ane ne muntu uwa nyiputo.

Ukufuma 32:21

Pisinda pache u Mozesi akamulalusya u Aloni akati, “Nkimba abantu banaba bakakubombela choni ukuti ubapele pakunanga bunubu?”

Ukufuma 32:32

Nalamba ubahobokele imbibi zyabo. Loli nanti utakubahokela chizapo pakuzimya itabwa lyane mwibuku mumo usimbitemo amatabwa agha bantu bako.”

Hoseya 13:10

Nkimba ali ko kwiyi u mwene wako yuyo angakupoka? Nkimba bali ko kwiyi abalaghili bako mutwaya twako tosi utukulu nkani, babo ukatinji, Mpanga u mwene sona na makambala?

Ukubelengiwa 16:15

Po u Mozesi akakalala nkani nukumubuzya u Mwene ukuti, “Utakapokelaye ivyakwiyipa ivya bantu banaba. Ntabafyulitepo nayimo impunda pamo ukumunangila umuntu weka bulo.”

Ukubelengiwa 16:22

Loli u Mozesi nu Aloni bakafughama nukukolomoka ukuti, “Wee Chala, sona we mbwibwi iya bumi ubwa bantu bosi, nkimba uchikalaliye ichilundilo chosi pachifukwa icha mbibi izya muntu weka?”

Ukubelengiwa 16:46

U Mozesi akamubuzya u Aloni akati, “Senda ichakufukizizya utwakununkila chako nukubikamo utwakufukizya utwakununkila numoto uwa pachighemo. Bukagha lubilolubilo ku chilundilo pakubomba ulwiho ulwakupepesezya imbibi zyabo. Pakuti ubukali ubwa Mwene bwawa, sona ichiwaya chandite kale.”

Aba Filipi 4:6

Mutakapasyanje nizya chintu chimo, loli munyiputo zyinyu zyosi, mumulabe u Chala ivyakusobelwa vyinyu nu moyo uwakupalizya.

Yakobo 1:5

Nanti yumo mumwinyu akusobelwa amahala aghakubombela ichintu chimo, amulabe u Chala, po akwiza pakughapokela, pakuti u Chala akumupa umuntu wesi umwakusita ukumamilizya, sona umwakusita ukwilumbusya.

1 Samuweli 10:19

Loli ilelo mwamukana u Chala winyu, yuyo akabapoka muntamyo zyinyu na mumayimba ghinyu ghosi. Amwe mwambuzya mwati, ‘Awe! Utwimikile u mwene.’ Polelo mubungane pamaso pa Mwene ukuyana ninko zyinyu, sona ni nyumba zyinyu.”

1 Samuweli 12:12

“Loli bo mwennya ukuti u Nahashi u mwene uwa ba Amoni akwiza pakulwa namwe ubwite, amwe mukambuzya mukati, ‘Awe, tukulonda u mwene ukuti atulaghilaye, napapo u Mwene u Chala winyu akaba we mwene winyu.’

1 Samuweli 12:17

Nkimba aka te kabalilo akakwinulila ingano? Pope bulo nkwiza pakwiputa, sona u Mwene akwiza pakubajilimizizya nukubawisizya ivula. Po mukwiza pakuzyaghannya ukuti mukabomba imbibi inkulu nkani pamaso pa Mwene pakumulaba ukuti abape u mwene.”

1 Samuweli 12:19

Abantu bosi bakamubuzya u Samuweli bakati, “Twalamba, twiputileko kwa Mwene u Chala wako, aswe twe babombi bako ukuti tutakafwe, pakuti ilelo twazyaghannya ukuti pamwanya pambibi zyitu zyosi, tonjelezizyepo imbibi iyinji iyakuti tubanje nu mwene.”

1 Samuweli 12:23

Ane ntakulonda ukuti imunangile u Mwene pakukana pakubiputila. Loli nkwiza pakubamanyisya chicho chiza sona chigholosu.

1 Samuweli 15:11

“Indi ni chitima nkani ukuti nkamwimika u Sabuli pakuba we mwene. U Sabuli ansambukila, sona aleka pakughakonka amalamulo ghane.” U Samuweli akakalala nkani, po akamulambilizya u Mwene ubusiku bosi bulabula.

1 Samuweli 7:5

Po u Samuweli akati, “Babungannye poka aba Izilayeli bosi mu Mizipa, ane nkwiza pakubiputila kwa Mwene.”