1 Samuweli 8:19 - IBAYIBOLO 2024

¹⁹ Loli abantu batakamwivwila u Samuweli. Po bakati, “Awe, tukulonda u mwene uwakuti atulaghilaye.

1 Samuweli 8:19 Iomraidhean Croise

2 Abamwene 21:9

Loli abantu bala batakamuteghelezya u Mwene. U Manase akabasovya abantu, umwakuti bakabomba ivintu ivibibi nkani ukuzichila inko zizyo u Mwene akazinangannya pamaso paba Izilayeli.

Masalimo 81:11

“Loli abantu bane batakanteghelezya, aba Izilayeli batakanyivwila.

Masalimo 81:12

Po nkabaleka bulo na moyo ghabo amakafu, umwakuti babombaye vivyo bakuvilondagha.

Yesaya 66:4

po nane bulo nkwiza pakubizila nintamyo, pavintu vivyo bakuvinyila. Pakuti bo nkubitizya patakabapo nayumo uwa kunyamula, bo nkunena, patakabapo nayumo uwakanteghelezya. Bakabomba imbibi pamaso papane nukusala vivyo vitakunhobosya.”

Yelemiya 44:16

“Aswe tutakwiza pakuteghelezya amazyu ghagho watubuzya mwitabwa ilya Mwene!

Yelemiya 7:13

U Mwene akuti bo mukubomba ivintu vyosi vinivi, sona bo nkunena namwe kabilikabili, mutakateghelezya, bo nkubitizya mutakanyamula.

Ezekiyeli 33:31

Abantu bane bakwiza kukwako ngati mumo bakubombelagha bwila, nukwikala pantazi papako pakuteghelezya amazyu ghako, loli batakughabombezya imbombo. Namalomo ghabo bakunena amazyu agha lughano, loli abene bakulonda ko kukaba bulo.

Ukukumbusya Amalamulo 17:14

Bo mwinjila nukwikalana muchisu chicho u Mwene u Chala winyu akubapa, sona nanti mukuti, “Chikulondiwa ukuti tubanje nu mwene ukuyana namumo inko zyosi zizyo zituzyunguliye zibeleye,”

1 Samuweli 12:12

“Loli bo mwennya ukuti u Nahashi u mwene uwa ba Amoni akwiza pakulwa namwe ubwite, amwe mukambuzya mukati, ‘Awe, tukulonda u mwene ukuti atulaghilaye, napapo u Mwene u Chala winyu akaba we mwene winyu.’