1 Samuweli 8:11 - IBAYIBOLO 2024

¹¹ U Samuweli akati, “Izi zyo zizyo u mwene yuyo mukumulonda akwiza pakubombagha. Akwiza pakubafyenga abana binyu abalumendo pakulwa ubwite, abanji bakwiza pakuba bakwendezya ingolo izya bwite, bamo abakukwela impunda zyache, sona abanji abakuchimbila pantazi pangolo zyache zila.

1 Samuweli 8:11 Iomraidhean Croise

2 Samuweli 15:1

Bo pachilapo akabalilo, u Abisalomu akilondela mwene ingolo izya bwite ni falasi, sona na bantu 50 abakumusindikila.

1 Abamwene 1:5

Pakabalilo kalakala u Adoniya yuyo unyina akaba we Hagiti akanda pakwituvya nukuti, “Ane nkwiza pakuba ne mwene.” Po akibunganikila mwene ingolo izya bwite, ni falasi, sona na bantu 50 abakumusindikila.

1 Abamwene 10:26

U Solomoni akibunganikila ingolo izya bwite ni falasi. Akaba ni ngolo izya bwite 1,400 sona ni falasi 12,000, vivyo akavisungagha mutwaya tumo utukulu nkani utwakusungilamo ingolo. Ingolo izinji akazisunga mu Yelusalemu.

1 Abamwene 12:10

Abalumendo abantanka yache bala bakamwamula bakati, “Abantu babo bakubuzizye ukuti, ‘Ughuso akatunyamulizyanga ikoli ing'wamu, loli awe utupepuleko,’ ubabuzye uti, ‘Akafingwi kane akanandi aka kakulu ukuchila umusana uwa tata wane.

1 Abamwene 12:4

“Ughuso akatunyamulizyanga ikoli ing'wamu nkani, loli awe utupepuleko imbombo inkafu nikoli ing'wamu, po tukwiza pakukubombela.”

1 Abamwene 14:27

Po u mwene u Lehobowamu akapanga ingulu izya mukuba nukuzipyanizya papo, nukubapa abasongo aba balindilili aba pamulyango uwa nyumba iya bumwene.

1 Abamwene 18:46

U Mwene akamupa u Eliya amaka, akavunga inkazo nukuyipinya nu lamba wache nukuchimbila nkani, mupaka akafika ku Yezileli, bo u Ahabu atafikite.

1 Samuweli 10:25

Po u Samuweli akabalingannya abantu indaghilo izya bumwene. Akazisimba mwibuku nukulibika pamaso pa Mwene. Pisinda pache u Samuweli akababwezya abantu bala mutwaya twabo.

1 Samuweli 14:52

U Sabuli akalwanga ubwite naba Filisiti mubumi bwache bosi, sona nanti u Sabuli amwennya umuntu uwamaka sona umujivu akamubikagha pa mbombo iya busilikali.

1 Samuweli 22:7

Po u Sabuli akaghalalusya amakambala ghache ghala akati, “Ivwa kuno mwe ba Benjamini. Nkimba mukwinong'ona ukuti umwana uwa Yese akwiza pakubapa mwebosi amaghunda na maghunda agha mampesya? Nkimba mukwinong'ona akwiza pakubasala mwebosi ukuti mubanje mwe basongo aba tubukatila utwa basilikali?

1 Samuweli 8:9

Losi ulu bomba bulo zyosi zizyo abantu banaba bakulonda. Loli ubasoke nkani, sona ubabuzye inkalo yosi iya mwene yuyo bakumulonda yikwiza pakubela.”