1 Samuweli 7:9 - IBAYIBOLO 2024

⁹ U Samuweli akasenda umwana uwa ng'ozi, yuyo akonkagha nukumubika ukuti chibanje chakwiyipa ichakocha kwa Mwene. Akamulilila u Mwene mubuzilo ubwa ba Izilayeli, po u Mwene akamwamula.

1 Samuweli 7:9 Iomraidhean Croise

Masalimo 50:15

Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 99:6

U Mozesi nu Aloni bope bakaba pakasi pabaputi bache, u Samuweli wepe akaba weka uwa bamo babo bakamwiputagha. Bakamulilila u Mwene, po akabamula.

Yelemiya 15:1

Po u Mwene akambuzya akati, “Napapo u Mozesi nu Samuweli bangimilila pamaso papane nukubiputila abantu banaba, pope bulo ngali intakabapelela ichisa abantu banaba. Befyepo pamaso papane! Babuzye babukaye!

Aba Levi 22:27

“Nanti ingwata pamo umwana uwa ng'ozi pamo umwana uwa mbuzi apapiwa abanje nu nyina amasiku seveni. Loli ukwandila pisiku ilya eyiti apokeleliwanje ukuti chibanje chakwiyipa ichakocha kwa Mwene.

Ukukumbusya Amalamulo 9:26

Po nkiputa nkati, “Wee Mwene Uwamaka Ghosi, utakabanangannye abantu bako, babo yo mpyana iyako ni yako, abantu babo ukabapoka mu Ijiputi na maka ghako amakulu.

Yakobo 5:16

Polelo mwilatilanaye imbibi zyinyu sona nukwiputilana, umwakuti mupole. Ulwiputo ulwa mugholosu lwamaka, sona lukubomba ivintu ivikulu nkani.

Abalongi 6:26

Po umuzengele u Mwene u Chala wako ichighemo ichiza pano. Usende sona inkambaku iyabubili nukuyibika ukuti chibanje chakwiyipa ichakocha pakubombezya inkwi izya chifwani icha Ashela chila.”

Abalongi 6:28

Pandabindabi bo abantu aba mukaya kala balamusya, bakagha ukuti ichighemo icha Baala chamongoliwa, sona ichifwani icha Ashela chadumuliwa. Bakagha sona ukuti inkambaku iyabubili yila yabikiwa ukuti chibanje chakwiyipa ichakocha pachighemo ichipya bulo.

1 Samuweli 10:8

“Longolelapo ku Giligali, kuko nkwiza pakukomana nawe pakubika ivyakwiyipa ivyakocha nivyabupoka. Loli ulindilile amasiku seveni kulakula mupaka nize nukukubuzya zizyo ubaghiye pakubomba.”

1 Samuweli 12:17

Nkimba aka te kabalilo akakwinulila ingano? Pope bulo nkwiza pakwiputa, sona u Mwene akwiza pakubajilimizizya nukubawisizya ivula. Po mukwiza pakuzyaghannya ukuti mukabomba imbibi inkulu nkani pamaso pa Mwene pakumulaba ukuti abape u mwene.”

1 Samuweli 16:2

U Samuweli akamulalusya u Mwene akati, “Nkimba ningabukako bulibuli? Nanti u Sabuli ivwa zinizi akwiza pakungogha!” U Mwene akamubuzya akati, “Bo ukubuka usende ing'ombe impampali, po unene uti, ‘Niza pakubika ichakwiyipa kwa Mwene.’

1 Samuweli 2:35

Po pisinda pache nkwiza pakwisalila nemwene umuputi umusubiliwa, yuyo akwiza pakubomba zizyo nkulonda. Nkwiza pakuyikazya nkani inyumba yache, sona akwiza pakumubombela umupakiwa wane akabalilo kosi.

1 Samuweli 7:17

Loli akabalilo kosi akabwelagha ku Lama kukaya kache. Kulakula kope akabalongagha aba Izilayeli, sona ko kuko akamuzengela ichighemo u Mwene.

1 Samuweli 9:12

Bakamula bakati, “Eee, alipo. Lubilo, ali kuntazi kukwinyu, afika bulo lunulu mukaya kitu, pachifukwa ichakuti ilelo abantu bakubika ichakwiyipa pabuzilo ubwapamwanya ubwakwiputilapo ivifwani.