1 Samuweli 7:17 - IBAYIBOLO 2024

¹⁷ Loli akabalilo kosi akabwelagha ku Lama kukaya kache. Kulakula kope akabalongagha aba Izilayeli, sona ko kuko akamuzengela ichighemo u Mwene.

1 Samuweli 7:17 Iomraidhean Croise

Ubwandilo 33:20

Palapala akazengapo chighemo nukuchita ukuti Eli Elohi Izilayeli chicho chikung'anamula ukuti u Chala, we Chala uwa Izilayeli.

Ubwandilo 35:7

Kulakula akazenga ichighemo nukubwita ubuzilo bula ukuti Eli Beteli pachifukwa ichakuti bukaba buzilo bubo u Chala akivumbulila mwene kwa Yakobo, bo akumuchimbila umukulu wache.

Yesaya 10:29

Bakudumusannya pabwinjililo ubwa kaya kala, nukughona isiku lyoka pa Geba. Abantu aba muchisu icha Lama bakutetema, aba mukaya akakulu aka Gibeya aka Sabuli bakuchimbila.

Abalongi 4:5

U Debola akikalagha mukazundila mwikwi ilya mabale, lilyo likaba pakasikasi pa kaya aka Lama naka Beteli, muchisu icha mumaghamba icha Efulayimu. Po aba Izilayeli bakabukagha kulakula ninongwa zyabo.

Abalongi 6:24

Po u Gidiyoni akamuzengela ichighemo u Mwene pabuzilo bulabula nukuchita ukuti, “U Mwene we Mutende.” Ichighemo ichi chichili chilimo mu Ofula, mukaya akakulu nkani aka Abiyezeli mupaka nilelo bulo.

1 Samuweli 1:1

Akabapo umuntu yumo yuyo akaba we Elikana umu Zufi wamu Lamatayimu, muchisu icha mumaghamba icha Efulayimu. U Elikana akaba mwana uwa Yelohamu, umwana uwa Elihu, umwana uwa Tohu, umwana uwa Zufi, yuyo akaba waluko ulwa Efulayimu.

1 Samuweli 1:19

Indabi yache pandabindabi nkani, u Elikana na bamunyumba yache bakalamusya pandabindabi pakumwiputa u Mwene, nukubwela ku Lama. U Elikana akamumanya umuchi wache u Hana, po u Mwene akamukumbuka u Hana.

1 Samuweli 11:15

Abantu bosi bakabuka ku Giligali, po kulakula bakamwimika u Sabuli pamaso pa Mwene. Abantu bakabika ivyakwiyipa ivyabupoka kwa Mwene, po u Sabuli, poka naba Izilayeli bosi bakaba nu lusekelo ulukulu nkani.

1 Samuweli 14:35

U Sabuli akamuzengela ichighemo u Mwene, po kanaka kakaba kakwanda ukuti u Sabuli amuzengele u Mwene ichighemo.

1 Samuweli 15:34

Pisinda pache u Samuweli akabuka ku Lama, wepe u Sabuli akabwela kukaya kache aka Gibeya.

1 Samuweli 2:11

Po u Elikana akabwela ku Lama. Loli umulumendo u Samuweli akasyala ku Shilo kulakula pakumubombela u Mwene pasi pa umuputi u Eli.

1 Samuweli 28:3

Pakabalilo kalakala u Samuweli akafwa, po aba Izilayeli bosi bakamulila nukumusyila mukaya kache aka Lama. U Sabuli akabachimbizyamo mu Izilayeli abantu bosi babo bakunenezannyanga ni mizimu, sona na bamayele bosi.

1 Samuweli 8:4

Po abasongo bosi aba ba Izilayeli bakabungana poka nukwiza kwa Samuweli mu Lama.

1 Samuweli 9:12

Bakamula bakati, “Eee, alipo. Lubilo, ali kuntazi kukwinyu, afika bulo lunulu mukaya kitu, pachifukwa ichakuti ilelo abantu bakubika ichakwiyipa pabuzilo ubwapamwanya ubwakwiputilapo ivifwani.