1 Samuweli 7:14 - IBAYIBOLO 2024

¹⁴ Utwaya tosi utukulu nkani utwa ba Izilayeli ukwandila ku Ekiloni mupaka ku Gati, tuto aba Filisiti bakatufyula, bakabanyosezya abenecho aba Izilayeli. Pisinda pache pakasi paba Izilayeli naba Kenani pakabapo umutende.

1 Samuweli 7:14 Iomraidhean Croise

1 Imbili 18:1

Pisinda pache u Devedi akalwa ubwite naba Filisiti nukubapota. Po akakafyula akaya akakulu aka Gati, poka nutwaya twache tosi utupalamani munyobe izya ba Filisiti.

Masalimo 106:34

Batakabanangannya abantu aba inko izinji, ukuyana namumo u Mwene akalamulila.

Ukubelengiwa 13:29

Aba Amaleki bakwikala muchisu icha kuntende, sona aba Hiti naba Yebusi naba Amoli bakwikala muchisu icha mumaghamba. Aba Kenani bakwikala kupipi ni nyanja, sona na mulubazu ulwa lusoko ulwa Yolodani.”

Ukukumbusya Amalamulo 7:16

Muzinangannye inko zyosi zizyo u Mwene u Chala winyu azibika munyobe zyinyu. Mutakabapelelaye ichisa, sona mutakabiputaye abachala babo, pakuti chinichi chikwiza pakuba chipingo.

Ukukumbusya Amalamulo 7:2

sona nanti u Mwene u Chala winyu ababika munyobe zyinyu sona mwabapota, po mubazimizyanje bosi. Mutakafingane nabo ulufingo, sona mutakabapelelaye ichisa.

Yoshwa 10:5

Po abamwene fayivi aba ba Amoli bala, kokuti u mwene wamu Yelusalemu nuwa mu Hebuloni nuwa mu Yalimuti nu mwene uwamu Lakishi sona nu mwene uwamu Egiloni bakapanga akabukatila koka aka basilikali. Abamwene bala bakababungannya poka abasilikali babo, po bakakazyungulila akaya aka Gibeyoni nukulwa nako ubwite.

Yoshwa 15:11

Po impaka yila yikafumizannya kumitu ukwa Ekiloni ukung'anamukila ku Shikeloni, ukwenda mulubazu ulwa Ighamba ilya Baala nukufika ku Yabineli. Impaka yila yikamalila panyanja.

Abalongi 4:17

Loli u Sisela akachimbila pasi mupaka ku chisakasa icha Yaweli umuchi uwa Hebeli umu Keni, pachifukwa ichakuti pakasi pa Yabini u mwene uwamu Hazoli na bamunyumba iya Hebeli umu Keni pakabapo umutende.