1 Samuweli 6:3 - IBAYIBOLO 2024

³ Bakamula bakati, “Nanti mukulinyosya Ibokosi ilya Lufingo ilya Chala uwa ba Izilayeli ili, mutakalinyosyanje nyobe zyene. Loli mwenelezye ukuti mwalinyosya poka ni chakwiyipa ichakupepesezya inongwa. Pisinda pache mukwiza pakupola, sona mukwiza pakuchimanya ichifukwa chicho u Chala akubafunda.”

1 Samuweli 6:3 Iomraidhean Croise

Yobu 10:2

Nkwiza pakumubuzya u Chala ukuti, Utakanenaye ukuti nananga, loli umbuzye inongwa yiyo napalaghula pamaso papako.

Ukufuma 23:15

Ulusekelo ulwakwanda mumwaka lubanje Lusekelo ulwa Chibama chicho chite ni chilungo. Mumasiku seveni mumwezi uwa Abibu pakabalilo kako insalite, mulyanje Ichibama chicho chite ni chilungo ukuyana namumo nkubalamulila, pakuti mumwezi ghunughu mukepamo muchisu icha Ijiputi. “Atakabepo nayumo umuntu uwakwiza pamaso papane nyobe zyene.

Ukufuma 34:20

Loli mumutabulaye umwana uwa mpunda uwakwanda pakupapiwa pakupyanizyapo ni ng'ozi. Nanti mutakumutabula, mupyole bulo isingo yache. Mumutabulaye umwana winyu wesi ukatote. “Atakabepo nayumoyumo umuntu uwakwiza pamaso papane nyobe zyene.

Ukufuma 8:15

Loli bo u Falabo ennya ukuti abachula bala bafwa, pope bulo umoyo wache ghukaba mukafu nkani ukuyana namumo u Mwene akanenela, umwakuti atakamuteghelezya u Mozesi nu Aloni.

Aba Levi 5:6

Pisinda pache umuntu yula ize ni ng'ozi inkolo pamo imbuzi inkolo iya pamudimo wache ukuti chibanje chakwiyipa chakupepesezya imbibi zyache kwa Mwene. Po umuputi akwiza pakubika ichakwiyipa ichakupepesezya imbibi izya muntu yula.

Aba Levi 6:6

Umuntu yula amupe umuputi udubi uwa pamudimo wache umusita chilema nachimochimo ukuti chibanje chakwiyipa kwa Mwene ichakupepesezya inongwa zyache. Umutengo wache ghuyane bulo ni chakwiyipa ichakupepesezya inongwa yiyo apalaghula.

Ukukumbusya Amalamulo 16:16

Abanavuli bosi abaluko lwinyu bizaghe katatu pamwaka pamaso pa Mwene u Chala winyu pabuzilo bubo akwiza pakubusala, bo mukuba nu Lusekelo ulwa Chibama chicho chite ni chilungo nu Lusekelo ulwa Nyinulo, sona nu Lusekelo ulwa Visakasa. Patakabepo nayumoyumo umwanavuli uwakwiza nyobe zyene pamaso pa Mwene.

1 Samuweli 5:11

Po bakabitizya abalongozi bosi aba ba Filisiti nukubabuzya ukuti, “Efya Ibokosi ilya Lufingo ilya Chala uwa Izilayeli, umwakuti litakatughoghe, aswe poka na bantu bitu.” Pakuti mukaya kosi akakulu nkani mula mukabamo ukuvulungana ukukulu nkani pachifukwa icha bufwe. U Chala akabafunda nkani abantu bala.

1 Samuweli 5:7

Bo abantu bala bennya namumo ivintu vikabela bakati, “Tutakulilonda sona Ibokosi ilya Lufingo ilya Chala uwa ba Izilayeli kuno, pachifukwa ichakuti atufunda nkani, aswe poka nu chala witu u Dagoni.”

1 Samuweli 5:9

Loli bo bafika nalyo mu Gati, u Mwene akakafunda akaya akakulu nkani kala pakubayivya abantu ni vitufya, abanandi na basongo bulo, sona mukaba ukuvulungana ukukulu nkani.

1 Samuweli 6:8

Musende Ibokosi ilya Lufingo ilya Mwene lila nukulikwezya mungolo, po mulubazu ulwa bokosi lila mubikemo ivifwani ivya golide, vivyo mukumutumila ukuti vibanje chakwiyipa ichakupepesezya inongwa. Pisinda pache muyileke ingolo ukuti yibukaye,

1 Samuweli 6:9

loli muyenelezyanje nkani. Nanti yikubuka mukaya aka Beti Shemeshi, kokuti u Mwene uwa Izilayeli weyuyo akatutumila intamyo inkulu zinizi. Loli nanti yitakubuka kulakula, po tukwiza pakumanya ukuti atakaba weyuyo akatutumila intamyo zinizi, sona nukuti ghukaba mukosi bulo.”