1 Samuweli 6:21 - IBAYIBOLO 2024

²¹ Po bakabatumila intumi abantu aba mu Kiliyati Yeyalimu aghakuti, “Aba Filisiti balinyosya Ibokosi ilya Lufingo ilya Mwene lila. Mwize kuno, mulisende ukuti mubukaye nalyo kukwinyu.”

1 Samuweli 6:21 Iomraidhean Croise

2 Samuweli 6:2

U Devedi poka na bantu bache babo bakaba nawe, bakanyamuka ku Baala mu Yuda pakulisenda Ibokosi ilya Chala, lilyo likwitiziwa ni tabwa ilya Mwene Uwamaka Ghosi, yuyo ikaye pachitengo icha bumwene pakasi pa bakelubi.

Masalimo 78:60

Akepamo mubuzilo bwache ubwakwikalamo mu Shilo. Ichisakasa chache chikite pakasi pabantu.

Yelemiya 26:20

Akabapo sona umuntu uyunji yuyo akalaghulilagha mwitabwa ilya Mwene, itabwa lyache akaba we Uliya umwana uwa Shemaya uwamu Kiliyati Yeyalimu, wepe akalaghula zizyo zikwiza pakukabonekela akaya akakulu nkani sona ni chisu ichi ukuyana namumo u Yelemiya akabombela.

Yelemiya 7:12

“ ‘Po mubukaye ku buzilo ubwa mukaya aka Shilo mumo nkandila pakubikamo Itabwa lyane, po mwennye zizyo nkababombela akaya kala pachifukwa icha mbibi izya bantu bane aba Izilayeli.

Yelemiya 7:14

Polelo, zizyo nkababombela akaya aka Shilo, zyo zizyo nkwiza pakuyibombela Inyumba yiyo muyisubiye, yiyo nkabapa amwe na banyenya binyu.

Yoshwa 15:60

Pakabapo sona akaya aka Kiliyati Baala kokuti Kiliyati Yeyalimu naka Laba. Utwaya tosi utukulu tukabapo tubili, poka nutwaya twache tosi utupalamani.

Yoshwa 15:9

Po yikikila kumbwibwi iya mizi agha Nefitowa mupaka mutwaya utwa Efuloni nukwika mupaka ku Baala, kokuti Kiliyati Yeyalimu.

Yoshwa 18:14

Impaka yila yikaghalabukila kuntende kulubazu ulwa bwinjililo bwizuba nukufika mupaka ku Kiliyati Baala, kokuti Kiliyati Yeyalimu, akaya akakulu aka baluko ulwa Yuda. Iyi yikaba mpaka iya kubwinjililo bwizuba.

Yoshwa 9:17

Po aba Izilayeli bakabuka pakubuzikizya nukwagha ukuti utwaya twabo tula tukaba to utu: Akaya aka Gibeyoni naka Kefila naka Beloti sona naka Kiliyati Yeyalimu.

Abalongi 18:12

Bakazenga ivisakasa vyabo mu Kiliyati Yeyalimu muchisu icha Yuda. Ichi cho chifukwa mupaka nilelo bulo ubuzilo bulabula bukwitiziwanga ukuti Mahane Dani.