1 Samuweli 6:17 - IBAYIBOLO 2024

¹⁷ Aba Filisiti bakatuma ivifwani fayivi ivya vitufya ivya golide, vivyo bakavibika ukuti chibanje chakwiyipa ichakupepesezya inongwa zyabo kwa Mwene. Ivifwani ivi vikimililagha akaya akakulu nkani aka Ashidodi naka Gaza naka Ashikeloni naka Gati, sona naka Ekiloni.

1 Samuweli 6:17 Iomraidhean Croise

2 Samuweli 1:20

“Mutakazinenaye zinizi mu Gati, sona mutakazifumusyanje mumisebo mu Ashikeloni. Lumo abana abalindu aba ba Filisiti bangahoboka, lumo abana abalindu aba bantu babo batasilimuliwe bangasekela.

2 Samuweli 21:22

Banaba folo bakaba baluko ulwa Lafa, babo bakikala mu Gati, po u Devedi poka na basilikali bache bakabaghogha abantu bosi banaba.

2 Abamwene 1:2

Isiku limo bo u mwene u Ahaziya ali mukaya akakulu nkani aka Samaliya, akawa pasi ukufuma pantanda iya nyumba yache iya mumwanya, po akavulala nkani. Akazituma intumi zyache zimo akati, “Buka mubuzikizye kwa Baala Zebubi, uchala uwa ba Ekiloni, nanti ububine bwane bungapola pamo awe.”

2 Imbili 26:6

U Uziya akabuka pakulwa ubwite naba Filisiti nukumongolannya ulupaso ulwa kaya akakulu aka Gati naka Yabine sona naka Ashidodi. Akazenga sona utwaya utukulu kupipi nakaya aka Ashidodi na kubunji kosi pakasi paba Filisiti.

Yelemiya 25:20

poka na bantu bosi abayeni babo bali mulamula, ku bamwene bosi aba mu Uzi, ku bamwene bosi aba mu Filisiti, abantu bosi aba mu Ashikeloni, naba mu Gaza naba mu Ekiloni, sona na bosi babo bakasyalikila mu Ashidodi,

Aba Levi 5:7

“ ‘Loli nanti umuntu yula ate ni ng'ozi pamo imbuzi, ize ni nkunda zibili ukuti chibanje chakwiyipa chakupepesezya imbibi zyache kwa Mwene. Inkunda yoka yibanje chakwiyipa ichakupepesezya imbibi, po iyinji yibanje chakwiyipa ichakocha.

Amosi 1:6

U Mwene akuti, “Pakuti abantu aba mu Gaza bakunanga kabilikabili, po ane ntakwiza pakubwisya ubukali bwane. Bakabalema abantu bosi, nukubaghulizya mu Edomu.

Amosi 6:2

Buka kukaya aka Kaline nukwennyako, sona bo mwafuma kulakula, buka kukaya akakulu aka Hamati, po pisinda pache mubukaye kukaya aka Gati muchisu icha Filisiti. Nkimba bwizapo ukubuchila ubumwene bwinyu bubili? Nkimba ichisu chabo chikulupo ukuchila ichisu chinyu?

Ukukumbusya Amalamulo 28:27

U Mwene akwiza pakubapelela amapumba agha bantu aba mu Ijiputi. Akwiza pakubapelela ivitufya, ni mpele, sona nukunyeghela umwakuti mutakwiza pakupola.

Abalongi 1:18

Abaluko ulwa Yuda bakakafyula sona akaya akakulu nkani aka Gaza naka Ashikeloni, sona naka Ekiloni poka nutwaya tosi utupalamani.

Abalongi 14:19

Po Umuzimu uwa Mwene ghukamwikila u Samusoni nukumupa amaka, umwakuti akabuka ku Ashikeloni nukubaghogha abanavuli 30, sona akabafyula ivintu vyabo nukusenda amenda ghabo nukubapa abantu babo bakamubuzya iching'anamulo icha chili chila. U Samusoni akabwela, bo akalaye nkani.

Abalongi 16:1

Isiku limo u Samusoni akabuka kukaya akakulu nkani aka Gaza. Kulakula akamwennya umalaya yumo, po akaghonana nawe.

Abalongi 16:21

Po aba Filisiti bakamulema, bakamukolompola amaso ghache nukubuka nawe ku Gaza. Bakamupinya ni minyololo iya mukuba. Kulakula bakamubika pakusya amalezi palwala mujele.

1 Samuweli 5:1

Bo aba Filisiti balifyula Ibokosi ilya Lufingo ilya Chala, bakafuma nalyo ku Ebenezeli nukubuka nalyo ku Ashidodi.

1 Samuweli 5:10

Po bakabatuma abantu ukuti babuke ni Bokosi lila ku Ekiloni, akaya akanji aka ba Filisiti. Loli bo lyafika kula, abantu bakakolomoka bakati, “Bizite kuno ni Bokosi ilya Lufingo ilya Chala uwa Izilayeli pakutughogha, aswe poka na bantu bitu!”

1 Samuweli 5:8

Po bakabitizya abalongozi bosi aba ba Filisiti nukubalalusya ukuti, “Nkimba tubombe ichoni ni Bokosi ilya Lufingo ilya Chala uwa ba Izilayeli?” Abantu bala bakamula bakati, “Ibokosi ili tubuke nalyo ku Gati.” Po bakabatuma abantu ukuti babuke ni Bokosi ilya Lufingo ilya Chala ku Gati kula.

1 Samuweli 6:4

Aba Filisiti bala bakalalusya bakati, “Nkimba tumutumile ichakwiyipa choni ichakupepesezya inongwa?” Bakamula bakati, “Ivifwani fayivi ivya vitufya ivya golide, sona ni vifwani fayivi ivya mbeba izya golide, choka ukwimilila umulongozi wesi uwa ba Filisiti, pachifukwa ichakuti iviwaya vinivi vyabawila amwe poka na balongozi binyu.