1 Samuweli 6:14 - IBAYIBOLO 2024

¹⁴ Ingolo yila yikafika mumughunda uwa Yoshwa wamu Beti Shemeshi nukwimilila papipi nibwe ikulu nkani. Po abantu bakapankulannya ingolo yila pakuba nkwi, nukuzibika ing'ombe zila ukuti chibanje chakwiyipa ichakocha kwa Mwene.

1 Samuweli 6:14 Iomraidhean Croise

2 Samuweli 24:18

Pisiku lilalila u Gadi akabuka kwa Devedi nukumubuzya ukuti, “Buka pakumuzengela ichighemo u Mwene pabuzilo ubwakukomelapo inyinulo ubwa Alawuna umu Yebusi.”

2 Samuweli 24:22

U Alawuna akamubuzya u Devedi akati, “Leka u mwene wane asende ivintu vyosi vivyo ukulonda pakubika pakuba chakwiyipa. Senda inkambaku, ninkwi izyakukomela amapemba, sona ni koli pakuba nkwi.

2 Samuweli 24:25

U Devedi akamuzengela u Mwene ichighemo palapala nukubika ivyakwiyipa ivyakocha, nivyakwiyipa ivyabupoka. Po u Mwene akivwa ulwiputo lulo akachiputilagha ichisu, po ichiwaya chila chikamala mu Izilayeli.

1 Abamwene 19:21

U Elisha akamuleka palapala nukunyokela. Akasendapo inkambaku zyache zibili nukuzighogha, sona akabombezya amakoli pakuba nkwi izyakochela inkambaku zila. Akabapako abantu inyama, po pisinda pache akamukonka u Eliya pakuba mwavwilizi wache.

Ukufuma 20:24

“ ‘Munzengele ichighemo ichitope, po mubikepo ivyakwiyipa ivya ing'ozi, ni ng'ombe ukuti vibanje vyakwiyipa ivyakocha, ni vyakwiyipa ivyabupoka. Pabuzilo bosi bubo nkubupaghula ukuti munyiputilayepo, nkwiza pakwiza kukwinyu pakubasaya.

Abalongi 21:4

Indabi yache, pandabindabi nkani aba Izilayeli bala bakazenga ichighemo nukubikapo ivyakwiyipa ivyakocha, sona ni vyakwiyipa ivyabupoka.

Abalongi 6:26

Po umuzengele u Mwene u Chala wako ichighemo ichiza pano. Usende sona inkambaku iyabubili nukuyibika ukuti chibanje chakwiyipa ichakocha pakubombezya inkwi izya chifwani icha Ashela chila.”

1 Samuweli 11:5

Pakabalilo kalakala u Sabuli akafumagha bulo kumughunda, bo ali kwisinda ukwa nkambaku zyache. Po akalalusya akati, “Nkimba choni chicho chabatamya abantu banaba? Choni chicho bali pakulila?” Palapala bakamubuzya amazyu ghagho abantu aba mu Yabeshi bakanena.

1 Samuweli 20:29

Akati, ‘Nalamba unyitikizye ukuti imbwele pachifukwa ichakuti abaluko lwane bali nu lusekelo ulwakubika ichakwiyipa mukaya kala, po uwamwitu akandamula ukuti mupaka imbepo palusekelo lula. Nanti ungampelela ichisa unyitikizye imbwele ukuti imbennye abawamwitu.’ Ichi cho chifukwa atiziteko pakulya poka nu mwene.”

1 Samuweli 6:13

Pakabalilo kalakala abantu aba mu Beti Shemeshi bakinulagha ingano mwikombe. Bo batalankannya, bakalyennya Ibokosi ilya Lufingo ilya Mwene, po bakahoboka nkani.

1 Samuweli 6:18

Vyope ivifwani ivya mbeba izya golide vikagabiwa ukuyana nutwaya tosi utukulu nkani utwa ba Filisiti, tuto tukaba twa balongozi fayivi bala, sona utwaya utukulu nkani utwa malinga, poka nutwaya twache. Ibwe ikulu nkani, papo bakabikapo Ibokosi ilya Lufingo ilya Mwene, we kaboni mupaka nilelo bulo mumughunda uwa Yoshwa wamu Beti Shemeshi.