1 Samuweli 6:13 - IBAYIBOLO 2024

¹³ Pakabalilo kalakala abantu aba mu Beti Shemeshi bakinulagha ingano mwikombe. Bo batalankannya, bakalyennya Ibokosi ilya Lufingo ilya Mwene, po bakahoboka nkani.

1 Samuweli 6:13 Iomraidhean Croise

Yoshwa 15:10

Po yikazyungulila ukubuka kubwinjililo bwizuba ukufuma ku Baala mupaka kwighamba ilya Seyili nukwenda mulubazu kumitu ukwa lighamba ilya Yeyalimu kokuti Kesaloni, yikendelela ukwika pasi ku Beti Shemeshi sona nukudumusannya mu Timuna.

1 Samuweli 6:12

Ing'ombe zila zikagholoka bulo mumusebo waku Beti Shemeshi, bo zikwenda zikamotagha, sona zitakapaghukila kundilo pamo kumongo. Po abalongozi aba ba Filisiti bala bakazikonka mupaka kumpaka iya Beti Shemeshi.

1 Samuweli 6:14

Ingolo yila yikafika mumughunda uwa Yoshwa wamu Beti Shemeshi nukwimilila papipi nibwe ikulu nkani. Po abantu bakapankulannya ingolo yila pakuba nkwi, nukuzibika ing'ombe zila ukuti chibanje chakwiyipa ichakocha kwa Mwene.