1 Samuweli 6:12 - IBAYIBOLO 2024

¹² Ing'ombe zila zikagholoka bulo mumusebo waku Beti Shemeshi, bo zikwenda zikamotagha, sona zitakapaghukila kundilo pamo kumongo. Po abalongozi aba ba Filisiti bala bakazikonka mupaka kumpaka iya Beti Shemeshi.

1 Samuweli 6:12 Iomraidhean Croise

1 Abamwene 4:9

U Benedekeli akenelezyanga muchisu icha Makazi na mu Shalibimu na mu Beti Shemeshi na mu Eloni Betihanani.

Ukufuma 8:15

Loli bo u Falabo ennya ukuti abachula bala bafwa, pope bulo umoyo wache ghukaba mukafu nkani ukuyana namumo u Mwene akanenela, umwakuti atakamuteghelezya u Mozesi nu Aloni.

Ukubelengiwa 20:19

Aba Izilayeli bakamula bakati, “Tukwiza pakwenda bulo mumusebo umukulu, sona nanti aswe, pamo ivitekwa vyitu twangw'ela amizi ghamo, tukwiza pakulipila, pakuti chicho tukulonda ko ku dumusannya bulo.”

Yoshwa 15:10

Po yikazyungulila ukubuka kubwinjililo bwizuba ukufuma ku Baala mupaka kwighamba ilya Seyili nukwenda mulubazu kumitu ukwa lighamba ilya Yeyalimu kokuti Kesaloni, yikendelela ukwika pasi ku Beti Shemeshi sona nukudumusannya mu Timuna.

1 Samuweli 6:11

Po bakalibika Ibokosi ilya Lufingo ilya Mwene lila mungolo, poka ni bokosi mumo mukaba ivifwani ivya mbeba sona ni vifwani ivya vitufya.

1 Samuweli 6:13

Pakabalilo kalakala abantu aba mu Beti Shemeshi bakinulagha ingano mwikombe. Bo batalankannya, bakalyennya Ibokosi ilya Lufingo ilya Mwene, po bakahoboka nkani.

1 Samuweli 6:9

loli muyenelezyanje nkani. Nanti yikubuka mukaya aka Beti Shemeshi, kokuti u Mwene uwa Izilayeli weyuyo akatutumila intamyo inkulu zinizi. Loli nanti yitakubuka kulakula, po tukwiza pakumanya ukuti atakaba weyuyo akatutumila intamyo zinizi, sona nukuti ghukaba mukosi bulo.”