1 Samuweli 5:6 - IBAYIBOLO 2024

⁶ U Mwene akabafunda nkani abantu aba mu Ashidodi, poka na bapalamani babo ni vitufya.

1 Samuweli 5:6 Iomraidhean Croise

Ubwandilo 41:31

Amaka ghosi agha vyakulya ivyinji muchisu icha Ijiputi mukwiza pakughaluvya pakuti izala yiyo yikwiza pakubawila sona yikwiza pakuba yakoghofya nkani.

Yobu 31:3

Umukosi ghukumuwila umuntu yuyo mubibi, zyope intamyo zikubawila babo bakubomba ububibi.

Masalimo 145:20

U Mwene akubasungilila bosi babo bamughanite, loli akwiza pakubanangannya abantu ababibi.

Masalimo 147:6

U Mwene akubakwezya abantu abakwiyisya, loli akubisya pasi abantu ababibi.

Masalimo 32:4

Pakuti ukanfundagha nkani pamusanya na pabusiku bulo, umwakuti amaka ghane ghakafokagha ngati mumo ghakufokela amani muchisanya.

Masalimo 78:66

U Mwene akabachimbizya abalwani bache, akabakozya isoni akabalilo kosi.

Ukufuma 9:3

Po u Mwene na maka ghache, akwiza pakubombezya ichiwaya ichakoghofya nkani nukuzifunda ing'ombe zyako ni falasi ni mpunda ni ngamila ni ng'ozi sona ni mbuzi zyako.

Imbombo 13:11

Ilelo u Mwene akwiza pakukufunda, umwakuti ukwiza pakuba we mufwamaso, sona ute ukennye ubuzelu bwizuba pakabalilo akanandi.” Panapo na panapo u Elimasi akanda pakwennya ukabefu ni chisi, akapapasyapapasya bulo ukuyezya pakulonda yumo uwakuti amuleme inyobe.

Ukukumbusya Amalamulo 28:27

U Mwene akwiza pakubapelela amapumba agha bantu aba mu Ijiputi. Akwiza pakubapelela ivitufya, ni mpele, sona nukunyeghela umwakuti mutakwiza pakupola.

1 Samuweli 5:11

Po bakabitizya abalongozi bosi aba ba Filisiti nukubabuzya ukuti, “Efya Ibokosi ilya Lufingo ilya Chala uwa Izilayeli, umwakuti litakatughoghe, aswe poka na bantu bitu.” Pakuti mukaya kosi akakulu nkani mula mukabamo ukuvulungana ukukulu nkani pachifukwa icha bufwe. U Chala akabafunda nkani abantu bala.

1 Samuweli 5:7

Bo abantu bala bennya namumo ivintu vikabela bakati, “Tutakulilonda sona Ibokosi ilya Lufingo ilya Chala uwa ba Izilayeli kuno, pachifukwa ichakuti atufunda nkani, aswe poka nu chala witu u Dagoni.”

1 Samuweli 5:9

Loli bo bafika nalyo mu Gati, u Mwene akakafunda akaya akakulu nkani kala pakubayivya abantu ni vitufya, abanandi na basongo bulo, sona mukaba ukuvulungana ukukulu nkani.