1 Samuweli 5:3 - IBAYIBOLO 2024

³ Bo abantu aba mu Ashidodi balamusya pandabindabi, bakachennya ichifwani icha Dagoni chighuye ubukupama pantazi pi Bokosi ilya Lufingo ilya Mwene. Po abantu bakachimika pabuzilo bwache.

1 Samuweli 5:3 Iomraidhean Croise

1 Abamwene 18:26

Po bakasenda inkambaku yiyo bakayisala nukuyibola. Bakamwitizya u Baala ukwandila pandabindabi mupaka pamusanya ukuti abakozezye umoto. Bakatinji, “Wee Baala, twamule.” Loli atakabapo nayumoyumo uwakubamula, kukaba bulo myee. Bakimbagha umwakuzyungulila ichighemo chicho bakazenga.

Masalimo 115:7

Vili ni nyobe, loli vitangapalamasya, Inyayo vili nazyo, loli vitangenda, sona vitakufumya izyu nalimolimo kusingo zyabo.

Masalimo 97:7

Bosi babo bakuvyiputa ivifwani bakoziwanje isoni, kokuti bakwituvikizya mu bachala. Mwee bachala, mwebosi mumufughamililaye.

Ukufuma 12:12

“Ubusiku bunubu nkwiza pakudumusannya muchisu chosi icha Ijiputi, po nkwiza pakumughogha ukatote wesi umulumendo nu mwana wesi uwakwanda pakupapiwa uwa chinyamana. Nkwiza pakubafunda abachala abanji bosi aba muchisu icha Ijiputi. Ane ne Mwene.

Yesaya 19:1

Agha gho mazyu aghabulaghuzi ghagho ghakunena nizya Ijiputi: Ennya, u Mwene akwelite pibingu, lilyo likwenda lubilolubilo bo akwiza ku Ijiputi. Ivifwani ivya mu Ijiputi vikwiza pakutetema pamaso papache, ghope amoyo ghabo ghakwiza pakusunguluka.

Yesaya 40:20

Umuntu umupina akusala ichizinka chicho chitakubola. Po akulonda umuntu yuyo amenye nkani pakubiza, pakumusimikila ichifwani chicho chitangawa pasi.

Yesaya 41:7

Umubizi akumukazya umusyana golide, sona yuyo akuyannya ni nyondo, akumukazya yuyo akutiza pibwe. Akumubuzya yuyo akochelela akuti, ‘Chiza bulo.’ Akuchikomela ichifwani ni mizumali ukuti chitakawanje.

Yesaya 46:7

Bakuchinyamula muvipunko vyabo, nukuchibika pabuzilo bwache, po chikwimilila palapala. Chitangenda pabuzilo bwache bula. Napapo yumo angachiputa chitakwamula, chitangamupoka muntamyo zyabo.

Yelemiya 10:8

Bosi bate namahala naghamoghamo sona bapunganu, bakumanyisiwa ni vifwani ivya makwi vivyo vite ni mbombo nayimoyimo.

Zefaniya 2:11

U Mwene akwiza pakuboghofya, bo akubanangannya abachala bosi aba chisu ichapasi. Inko zyosi zikwiza pakumwiputa, inko yosi muchisu chache.

Maliko 3:11

Posi papo abantu babo bakaba ni mizimu imibibi bamwennya, bakawa pasi papipi nawe nukukolomoka ukuti, “Awe we Mwana uwa Chala!”

1 Samuweli 6:1

Ibokosi ilya Lufingo ilya Mwene likikala amezi seveni muchisu icha ba Filisiti.

1 Samuweli 6:5

Po mupange ivifwani fayivi ivya vitufya ivya golide, nivya mbeba, vivyo vikuchinangannya ichisu chinyu, sona mumuchindikaye u Chala uwa ba Izilayeli. Lumo angaleka pakubafunda amwe, poka na bachala binyu, sona ni chisu chinyu.