1 Samuweli 4:5 - IBAYIBOLO 2024

⁵ Bo Ibokosi ilya Lufingo ilya Mwene biza nalyo muvisakasa, aba Izilayeli bosi bakakolomoka nkani umwakuti ichisu chikaneng'ena.

1 Samuweli 4:5 Iomraidhean Croise

2 Samuweli 15:24

Wepe u Zadoki akaba palapala, sona aba Levi babo bakaba poka nawe bakanyamula Ibokosi ilya Lufingo ulwa Chala. Po bakalitula pasi Ibokosi lila mupaka abantu bosi bakamala pakwepamo mukaya akakulu nkani kala, bo u Abiyatala akubika ivyakwiyipa.

1 Abamwene 1:40

Po abantu bosi bakamukonka mwisinda, bo bakulizya amalonji nukusekela ukukulu nkani, umwakuti ichisu chikaneng'ena pachifukwa icha chongo chilachila.

Yobu 20:5

ukuti ukuhoboka ukwa bantu ababibi kwa kabalilo akanandi bulo, sona ukusekela ukwa bantu babo batakumunyila u Chala kutakwendelela.

Yelemiya 7:4

Mutakaghasubilaye amazyu agha bumyasi ghagho ghakuti, “Iyi yo Nyumba iya Mwene, Inyumba iya Mwene, Inyumba iya Mwene!”

Amosi 6:3

Amwe mukukana ukuti isiku ilyakunanganika likwiza, loli imbombo zyinyu zikulipalamizya isiku ilya bulongi.

Mika 2:11

Nanti umuntu umumyasi sona umuzimbuli akwiza nukunena ukuti, ‘Nkwiza pakubalaghulila ukuti: Mukwiza pakuba nu vinyo umwinji, sona ni vyakungw'ela vivyo umuntu angakolwa navyo,’ umuntu yunuyu angaba mulaghuzi winyu!

Yoshwa 6:20

Abaputi bala bakalizya amapati ghabo, po bo abantu bivwa ichongo icha mapati, sona bo abantu bakolomoka nkani, panapo na panapo ulupaso ulwa kaya akakulu nkani kala lukamongoka, umwakuti abasilikali bosi bakinjila mukaya mula nukukafyula.

Yoshwa 6:5

Bo balizya amapati ghabo lyoka, loli pakabalilo akatali, sona na maka nkani abantu bosi bakolomokaye. Bunubu ulupaso lwakaya akakulu nkani kala lukwiza pakumongoka, sona panapo na panapo abasilikali bakwiza pakwinjila mukaya mulamula.”

Abalongi 15:14

Bo afika papipi nu Lehi, aba Filisiti bakiza kukwache, bo bakukolomoka. Umuzimu uwa Mwene ghukamwikila u Samusoni nukumupa amaka. Po inkusa zizyo bakamupinya nazyo zikawa munyobe zyache ngati po zilunguliye numoto.

1 Samuweli 4:6

Aba Filisiti bakivwa ichongo chila, po bakalalusya bakati, “Nkimba ichongo chosi chinichi muvisakasa ivya ba Hebeli cha choni?” Bo aba Filisiti bivwa ukuti Ibokosi ilya Lufingo ilya Mwene lyafika muvisakasa ivya ba Izilayeli,