1 Samuweli 4:3 - IBAYIBOLO 2024

³ Bo abasilikali banyokela kuvisakasa vyabo, abalongozi aba Izilayeli bakalalusya bakati, “Nkimba choni chicho u Mwene atubika munyobe izya ba Filisiti? Twende tulisende Ibokosi ilya Lufingo ulwa Mwene mu Shilo, umwakuti u Mwene ize pakasi papitu nukutupoka munyobe izya balwani bitu.”

1 Samuweli 4:3 Iomraidhean Croise

2 Samuweli 15:25

U mwene akamubuzya umuputi u Zadoki akati, “Nyamula Ibokosi ilya Lufingo ulwa Chala nukunyokela mukaya akakulu nkani. Nanti u Mwene angampelela ichisa, akwiza pakunyosya, po nkwiza pakwikala sona mulamula.

1 Imbili 17:1

Bo u Devedi ikalana munyumba yache iya bumwene, akamubuzya umulaghuzi u Natani akati, “Ane nkwikala munyumba iya makwi agha mwale, loli Ibokosi ilya Lufingo ilya Mwene lili muchisakasa.”

Masalimo 74:1

Wee Chala, nkimba choni chicho watuleka twebene bwila na bwila? Nkimba ubukali bwako bukwaka ngati moto pa ng'ozi zyako?

Masalimo 74:11

Nkimba choni chicho utakulanjizya amaka ghako? Nkimba choni chicho wiyumbatite?

Yesaya 50:1

U Mwene akuti, “Nkimba ukwinong'ona ukuti nkababwezya abantu bane, ngati mumo umuntu akumusosezya umuchi wache? Po nkimba bali ko kwiyi abakalata abasoka? Nkimba ukwinong'ona ukuti nkakughulizya mubukayidi, ngati muntu yuyo akubaghulizya abana bache ngati bazya? Awe, mukabuka mubukayidi pachifukwa icha mbibi zyinyu. Mukachimbiziwa pachifukwa icha kunanga kwinyu.

Yesaya 58:3

Abantu bakulalusya bakuti, ‘Nkimba choni chicho twatuzya pakulya, bo awe ute navyo nimbombo? Nkimba choni chicho twiyisya twebene, ukusita ukuti uzimanye?’ “Loli pisiku lyinyu ilyakutuzya, mukubomba umwakwihobosya mwebene, nukubanangannya abambombo binyu.

Yesaya 59:1

Naloli inyobe iya Mwene yite mpimpa pakupoka, pamo ukuti ikutu lyache lili namapuli pakwivwa.

Yesaya 59:2

Loli imbibi zyinyu zyo zibapaghuye amwe kwa Chala winyu, imbibi zyinyu zifisite icheni chache kukwinyu, umwakuti atakubivwa.

Yelemiya 3:16

Po mupapanaye nukubala muchisu chilachila, abantu batakwiza pakunena sona nizya Bokosi ilya Lufingo ulwa Mwene. Mukwiza pakuluvya nizya masiku ghalaghala, mutakwiza pakulyinong'ona pamo pakulikumbuka pamo pakupanga ilinji.

Yelemiya 7:4

Mutakaghasubilaye amazyu agha bumyasi ghagho ghakuti, “Iyi yo Nyumba iya Mwene, Inyumba iya Mwene, Inyumba iya Mwene!”

Ukubelengiwa 10:33

Po bakanyamuka ubulendo bwabo pighamba ilya Mwene nukwenda amasiku matatu. Ibokosi ilya Lufingo ilya Mwene likalongolela muntazi amasiku matatu ghalaghala pakubalondela ubuzilo ubwakutuzyapo.

Ukubelengiwa 10:35

Akabalilo kosi kako Ibokosi ilya Lufingo likanyamukagha, u Mozesi akatinji, “Wee Mwene, nyamuka, nukubanyampannya abalwani bako! Abantu bosi babo bakubengite bachimbilaye pamaso papako.”

Ukubelengiwa 31:6

U Mozesi akabatuma abanavuli bala babo bakasaliwa ukuyana nuluko lwabo pakulwa ubwite. Akabatuma poka nu Finehasi umwana uwa umuputi u Eleyazala, yuyo akanyamula ivibombelo ivya Mubuzilo Ubuzelu, sona na mapati aghakubasokela abantu.

Ukukumbusya Amalamulo 29:24

Po ichisu chosi ichapasi chikwiza pakulalusya ukuti, “Nkimba choni chicho u Mwene akachibombela bunubu ichisu chinichi? Nkimba choni chicho akulanjizya ubukali bunubu?”

Ukukumbusya Amalamulo 31:26

“Senda Ibuku ilya Malamulo ili nukulibika palubazu pi Bokosi ilya Lufingo ilya Mwene u Chala winyu, ukuti libanje palapala pakuba we kaboni uwakubasusya.

2 Timoti 3:5

napapo bakuboneka ngati po bakumwiputa u Chala, loli bakughakana amaka ghache. Ubaleghuke abantu banaba.

Aba Hebeli 9:4

Muchipinda chinichi mukaba ichighemo icha golide ichakufukizizyapo ivyakununkila. Mukaba sona Ibokosi ilya Lufingo, ibokosi lyosi kuzi na mukasi bulo likamatiwa nu golide. Mubokosi mulamula mukaba isonta, mumo mukaba umana ni ndisa iya Aloni yiyo yikalemba amani. Mukaba sona amabwe amapapate mabili papo pakasimbiwapo amalamulo.

Yoshwa 4:7

mubamulaye ukuti amizi agha mulusoko ulwa Yolodani ghakaleka pakwenda, bo Ibokosi ilya Lufingo ulwa Mwene likuloboka. Amabwe ghanagha cho chikumbusyo icha ba Izilayeli bwila na bwila.”

Yoshwa 6:6

Po u Yoshwa umwana uwa Nuni akabitizya abaputi nukubalamula ukuti, “Nyamula Ibokosi ilya Lufingo ilya Mwene, sona abaputi seveni balongolele kuntazi ukwa bokosi lila, bo banyamuye amapati.”

Yoshwa 7:7

Po u Yoshwa akati, “Wee, Mwene Uwamaka Ghosi, nkimba choni chicho ukabalobosya abantu banaba palusoko ulwa Yolodani? Fwandi ukatulobosya ukuti utubike munyobe izya ba Amoli ukuti batunangannye bunubu? Buli nanti tukikalagha bulo kwisila ilya Yolodani kula?

Yoshwa 7:8

Wee Mwene, nkimba ilelo ningati choni pakuti aba Izilayeli bachimbiziwa na balwani babo?

1 Pitala 3:21

Amizi ghanagha cho chimanyilo icha lozyo, lulo ilelo lukubapoka ukwendela mukuzyuka kubufwe ukwa Yesu Kilisitu. Ulozyo lute ko kusuka ichiko icha mu mubili, awe. Loli lilayizyo lilyo likapangiwa kwa Chala pachifukwa icha mabyebye umwiza.

Yuda 1:5

Napapo muzimenye kale zinizi, nkulonda imbakumbuzye namumo u Mwene akabapokela abantu bache aba Izilayeli ukufuma mu Ijiputi. Loli pisinda pache akabanangannya abantu babo batakamusubilagha.

1 Samuweli 1:24

Bo amulesya umwana yula pakonka, akasenda inkambaku iya maka matatu nu busu ubwakukwana amakilogalamu 10, sona nu vinyo munyambi iya ikwela. Po akabuka nawe umwana yula ku Nyumba iya Mwene mu Shilo.

1 Samuweli 14:18

U Sabuli akamubuzya umuputi u Ahiya akati, “Zagha nu ni Bokosi ilya Lufingo ilya Chala.” Pakabalilo kalakala u efodi akaba naba Izilayeli.

1 Samuweli 4:2

Aba Filisiti bakababambika abasilikali babo ukuti balwe ubwite naba Izilayeli, po bakanda pakulwa. Bo bakulwa ubwite, aba Filisiti bakabapota aba Izilayeli nukubaghogha abantu 4,000.