1 Samuweli 4:2 - IBAYIBOLO 2024

² Aba Filisiti bakababambika abasilikali babo ukuti balwe ubwite naba Izilayeli, po bakanda pakulwa. Bo bakulwa ubwite, aba Filisiti bakabapota aba Izilayeli nukubaghogha abantu 4,000.

1 Samuweli 4:2 Iomraidhean Croise

Nkuto 3:40

Zagha tuyipimaye inkalo yitu, po twende tunyokelaye kwa Mwene.

Aba Levi 26:37

Bakwiza pakupunuzyannya benebene pakusita nayumo umuntu uwakubachimbizya. Mutakwiza pakuba na maka aghakulwila na balwani binyu.

Ukubelengiwa 14:45

Po aba Amaleki naba Kenani, babo bakikalagha muchisu icha mumaghamba bakika pakubapota, nukubachimbizizya ku Holima.

Yoshwa 7:12

Ichi cho chifukwa aba Izilayeli batangalwa na balwani babo. Bakubachimbila abalwani babo pachifukwa ichakuti babaghiye pakunanganika. Ane ntakwiza pakuba namwe sona, pene papo nanti mwavinangannya ivintu vyosi vivyo nkabalamula ukuti muvinangannye.

1 Samuweli 17:21

Aba Izilayeli naba Filisiti bakababambika abasilikali babo umwakwenannya.

1 Samuweli 17:8

U Goliyati akimilila nukubakolomokela abasilikali aba ba Izilayeli ukuti, “Nkimba choni chicho mwiza mwe binji nkani pakulwa ubwite? Ane ne mu Filisiti, sona amwe mwe bazya aba Sabuli? Musale umuntu weka ukuti alwe nane.

1 Samuweli 4:1

Isiku limo aba Izilayeli bakabuka pakulwa ubwite naba Filisiti. Aba Izilayeli bala bakazenga ivisakasa vyabo mu Ebenezeli, sona aba Filisiti bakazenga ivisakasa vyabo mu Afeki.

1 Samuweli 4:10

Po aba Filisiti bakalwa ubwite nukubapota aba Izilayeli bosi, sona umuntu wesi akachimbilila ku chisakasa chache. Abantu abinji bakaghoghiwa kubwite, umwakuti abasilikali 30,000 aba ba Izilayeli abakwenda pasi bakafwa.

1 Samuweli 4:3

Bo abasilikali banyokela kuvisakasa vyabo, abalongozi aba Izilayeli bakalalusya bakati, “Nkimba choni chicho u Mwene atubika munyobe izya ba Filisiti? Twende tulisende Ibokosi ilya Lufingo ulwa Mwene mu Shilo, umwakuti u Mwene ize pakasi papitu nukutupoka munyobe izya balwani bitu.”