1 Samuweli 4:10 - IBAYIBOLO 2024

¹⁰ Po aba Filisiti bakalwa ubwite nukubapota aba Izilayeli bosi, sona umuntu wesi akachimbilila ku chisakasa chache. Abantu abinji bakaghoghiwa kubwite, umwakuti abasilikali 30,000 aba ba Izilayeli abakwenda pasi bakafwa.

1 Samuweli 4:10 Iomraidhean Croise

2 Samuweli 18:17

Abasilikali bala bakasenda umuvimba uwa Abisalomu nukughusumbila muchiliba ichitali nkani mumusitu mula, sona bakalundikapo ichibunga icha mabwe. Pakabalilo kalakala aba Izilayeli bosi bakachimbilila mutwaya twabo.

2 Samuweli 18:7

Abantu aba Devedi bakabapota abasilikali aba ba Izilayeli, sona pisiku lilalila abantu 20,000 bakaghoghiwa.

2 Samuweli 19:8

Po u mwene akanyamuka nukwikala pachitengo chache pamulyango uwa kaya. Bo abantu bivwa ukuti, “U mwene ikaye pamulyango,” bosi bakiza pamaso papache. Pakabalilo kalakala aba Izilayeli bakachimbilila mutwaya twabo.

2 Samuweli 20:1

Pakabalilo kalakala kukabako umuntu yumo uwa mwalwemwalwe yuyo akaba we Sheba umwana uwa Bikili, umu Benjamini. U Sheba akalizya ipati nukukolomoka ukuti, “Aswe tute ni chigaba nachimochimo mwa Devedi, sona tute ni mpyana mu mwana uwa Yese. Mwee ba Izilayeli umuntu wesi abwelaye ku chisakasa chache.”

1 Abamwene 12:16

Bo aba Izilayeli bazyaghannya ukuti u mwene atakubateghelezya, bakamwamula bakati, “Aswe tute ni chigaba nachimochimo mubumwene ubwa Devedi. Wee, epapo pano! Mwee ba Izilayeli, zagha tubwelaye kuvisakasa vyitu. Wee mwana uwa Devedi, manya utwako na bamunyumba yako.” Po aba Izilayeli bosi bakabwela mutwaya twabo.

1 Abamwene 22:36

Bo izuba likwinjila pakaba inkuta pakasi pabasilikali iyakuti, “Umuntu wesi abwelaye kukaya kache. Umuntu wesi anyokelaye kuchisu chache!”

2 Abamwene 14:12

Aba Izilayeli bakabapota abantu aba mu Yuda, po umusilikali wesi akachimbilila kukaya kache.

2 Imbili 13:17

U Abiya na bantu bache bakabaghogha aba Izilayeli abinji nkani, umwakuti aba Izilayeli 500,000 abamaka nkani bakaghoghiwa.

2 Imbili 25:22

Aba Izilayeli bakabapota abantu aba mu Yuda, po umusilikali wesi akachimbilila kukaya kache.

Masalimo 78:9

Aba Efulayimu babo bakaba nubwele munyobe zyabo, pisiku ilya bwite bakachimbila.

Yelemiya 7:12

“ ‘Po mubukaye ku buzilo ubwa mukaya aka Shilo mumo nkandila pakubikamo Itabwa lyane, po mwennye zizyo nkababombela akaya kala pachifukwa icha mbibi izya bantu bane aba Izilayeli.

Aba Levi 26:17

Nkwiza pakubapa inkonto, umwakuti abalwani binyu babapote, sona abantu babo bababengite bakwiza pakubalaghila. Mukwiza pakuchimbila, napapo nayumoyumo atabachimbizizye.”

Ukukumbusya Amalamulo 28:15

Loli nanti mutakumwivwila u Mwene u Chala winyu, sona nanti mutakughakonka amalamulo ni ndaghilo zizyo nkubapa ilelo, ivighune vyosi vinivi vikwiza pakubawila.

Ukukumbusya Amalamulo 28:25

U Mwene akwiza pakubitikizya abalwani binyu ukuti babapote. Bo mukwiza pakulwa nabo ubwite mukwiza pakwenda izila yoka, loli mukwiza pakubachimbila pakwenda izila seveni. Po abamwene bosi aba muchisu ichapasi bakwiza pakuba nubogha bo bakwennya zizyo zyabawila.

1 Samuweli 3:11

Po u Mwene akamubuzya u Samuweli akati, “Ennya indi papipi pakubomba ichintu chimo ichakoghofya nkani mu Izilayeli, chicho chikwiza pakumutengula umuntu wesi yuyo akuchivwa.

1 Samuweli 4:2

Aba Filisiti bakababambika abasilikali babo ukuti balwe ubwite naba Izilayeli, po bakanda pakulwa. Bo bakulwa ubwite, aba Filisiti bakabapota aba Izilayeli nukubaghogha abantu 4,000.