1 Samuweli 31:8 - IBAYIBOLO 2024

⁸ Indabi yache bo aba Filisiti biza pakuyivula amenda imivimba iya bantu babo bakaghoghiwa, bakamwagha u Sabuli poka na bana bache batatu bala bafuye pighamba ilya Gilibowa.

1 Samuweli 31:8 Iomraidhean Croise

2 Samuweli 1:20

“Mutakazinenaye zinizi mu Gati, sona mutakazifumusyanje mumisebo mu Ashikeloni. Lumo abana abalindu aba ba Filisiti bangahoboka, lumo abana abalindu aba bantu babo batasilimuliwe bangasekela.

2 Samuweli 1:21

“Mwee maghamba agha mu Gilibowa, inganda yitakawanje sona ivula yitakatimaye papinyu. Patakabanje amaghunda ghagho ghangabapa ivikomwa. Pakuti kulakula abantu bakazisamula ingulu izya bantu abamaka. Ingulu iya Sabuli yitakapakiwa na mafuta.

1 Imbili 10:8

Indabi yache bo aba Filisiti biza pakuyivula amenda imivimba iya bantu babo bakaghoghiwa, bakamwagha u Sabuli poka na bana bache bafuye pighamba ilya Gilibowa.

2 Imbili 20:25

U Yehoshafati na bantu bache bakabuka pakufyula ivintu, po bakavyagha ivintu ivyinji nkani na menda ni vintu ivyamutengo nkani. Bakavyagha ivintu ivyinji nkani umwakuti bakapotwa pakuvinyamula sona pakasenda amasiku matatu pakuvinyamula.

1 Samuweli 28:4

Aba Filisiti bakabungana poka nukuzenga ivisakasa vyabo mu Shunemu. U Sabuli wepe akababungannya poka aba Izilayeli nukuzenga ivisakasa vyabo mu Gilibowa.

1 Samuweli 31:7

Bo aba Izilayeli babo bakaba mwikombe, na babo bakaba kwisila ilya lusoko ulwa Yolodani bennya ukuti u Sabuli poka na bana bache bafuye, bakatuleka utwaya twabo nukuchimbila. Po aba Filisiti bakiza nukwikala mulamula.

1 Samuweli 31:9

Bakamudumula u Sabuli umutu nukumuvula ivilwilo vyache ivya bwite. Po bakatuma intumi muchisu chosi icha ba Filisiti ukuti bafumusye ipangwi ilyiza ili ku bachala babo, sona na pakasi pabantu babo.