1 Samuweli 30:7 - IBAYIBOLO 2024

⁷ U Devedi akamubuzya umuputi u Abiyatala, umwana uwa Ahimeleki akati, “Mpanga u efodi.” Po u Abiyatala akamupa.

1 Samuweli 30:7 Iomraidhean Croise

1 Abamwene 2:26

Po u mwene akamubuzya umuputi u Abiyatala akati, “Bwelagha kukwinyu ku Anatoti. Awe ubaghiye pakufwa, loli ntakwiza pakukughogha ilelo, pachifukwa ichakuti ukanyamula Ibokosi ilya Lufingo ilya Mwene Uwamaka Ghosi pakabalilo aka tata wane u Devedi, sona ukaba poka nawe muntamyo zyache zyosi.”

Ukufuma 28:6

Bapange u efodi uwa mwenda umutonte umulabannye nu golide nu buzi ubwa buluu nu buchesamile nu buchesamu.

Maliko 2:26

Bo u Abiyatala we muputi usongo, u Devedi akinjila mu Nyumba iya Chala nukulya ichibama chicho chikabikiwa kwa Chala ukuti chibanje chakwiyipa. Ukuyana ni Ndaghilo zyitu, umuputi mwene weyuyo itikiziwe pakulya ichibama chila. Loli u Devedi akalya nukubapako abantu bache.”

1 Samuweli 10:22

Po bakamubuzikizya u Mwene bakati, “Nkimba umuntu yunuyu iziteko kuno?” U Mwene akamula akati, “Eee, avwamite pakasi pakatundu.”

1 Samuweli 14:18

U Sabuli akamubuzya umuputi u Ahiya akati, “Zagha nu ni Bokosi ilya Lufingo ilya Chala.” Pakabalilo kalakala u efodi akaba naba Izilayeli.

1 Samuweli 14:19

Bo u Sabuli akunenezannya nu muputi yula, ukuvulungana kukonjelelagha bulo muvisakasa ivya ba Filisiti. Po u Sabuli akamubuzya umuputi yula akati, “Leka pakubuzikizya!”