1 Samuweli 30:6 - IBAYIBOLO 2024

⁶ U Devedi akaba muntamyo inkulu nkani, pakuti chikabababa nkani abantu bache pachifukwa icha bana na bachi babo umwakuti bakalondagha pakumusumba na mabwe. Loli u Mwene, u Chala wache akamukazya.

1 Samuweli 30:6 Iomraidhean Croise

Ubwandilo 32:7

Bo u Yakobo ivwa zinizi, akanyila nkani nukupasya. Akabagabannya abantu babo akaba nabo mutubukatila tubili nukubomba bunubu ni ng'ozi ni mbuzi ni ng'ombe sona ni ngamila zyache.

2 Samuweli 17:8

Awe uzimenye akiza nkani ukuti ughuso, poka na bantu bache bo basilikali abajivu, sona bakoghofya nkani ngati we labwe, yuyo bamwibila abana bache. Ukonjelezyapo ughuso amenye nkani pakulwa ubwite, po atangaghona poka na basilikali bache ubusiku ubu.

2 Abamwene 4:27

Bo umukolo yula afika kwa Elisha, umuntu uwa Chala yula, akafughama pamaso papache nukulema inyayo zyache. U Gehazi akiza ukuti amusunkile, loli umuntu uwa Chala akamubuzya akati, “Muleke! Fwandi utakumwennya ukuti ali muntamyo inkulu nkani? Loli u Mwene anvindite, sona atambuzizye ichifukwa chache.”

Yobu 13:15

Napapo angoghe, pope bulo nkwiza pakumusubila; naloli nkwiza pakumulingannya inongwa yane.

Masalimo 116:10

Nkasubila polelo nkati, “Nkuyimba nkani.”

Masalimo 138:3

Bo nakwitizya, ukanyamula, sona ukaghukazya umoyo wane na maka ghako.

Masalimo 18:2

U Mwene we lyalabwe lyane we lilinga lyane, sona we mupoki wane. U Chala wane we lyalabwe lyane, mumo nkuponelamo. We ngulu yane ni mpembe yane, iya bupoki bwane, sona we lilinga lyane.

Masalimo 18:6

Bo indi mumayimba, nkamwitizya u Mwene, sona nkamulililagha u Chala wane ukuti anyavwe. Akanyivwanga bo ali mu Nyumba yache, sona ukulila kwane kukivwikagha mumakutu ghache.

Masalimo 25:17

Intamyo izya mumoyo wane zyabala, unyefyemo mumayimba ghane.

Masalimo 27:14

Umusubilaye u Mwene. Banga na maka sona ujimbaye, umusubilaye u Mwene.

Masalimo 31:24

Mwebosi mwe mumusubiye u Mwene, mubanje na maka, sona mujimbaye nkani.

Masalimo 42:11

Wee muzimu wane, nkimba choni chicho uli ni chitima? Nkimba choni chicho mukasi mumwane mukutamiwa? Umulindililaye u Chala, pakuti nkwiza pakumupala, yuyo Mupoki wane sona nu Chala wane.

Masalimo 42:5

Wee muzimu wane, nkimba choni chicho uli ni chitima? Fwandi choni chicho mukasi mumwane mukutamiwa? Ukwiza pakumulindilila u Chala, pakuti nkwiza pakumupala, Umupoki wane nu Chala wane.

Masalimo 42:7

Amizi amibizu ghakwitizannya, bo amizi ghakupoma nkani. Amayigha ghako aghakoghofya ghope ghankupikila.

Masalimo 56:11

Imusubiye u Chala, po ntakwiza pakukunyilapo ichintu nachimochimo. Nkimba umuntu angambombela bubibi boni?

Masalimo 62:1

Umoyo wane ghukuba bulo myee, pakumulindilila u Chala wane, pakuti weyuyo akumpoka.

Masalimo 62:5

Umoyo wane ghukuba bulo myee, pakumulindilila u Chala wane, ulusubilo lwane luli mumwache.

Masalimo 71:4

Wee Chala wane mpoka munyobe izya bantu ababibi, sona mpoka kumaka agha bantu babo te bagholosu, sona babo bali na moyo amakafu.

Masalimo 71:5

Wee Mwene Uwamaka Ghosi, ulusubilo lwane luli mumwako, sona nakusubiye ukwanda ko kubwana bwane.

Ukufuma 17:4

Po u Mozesi akamulilila u Mwene akati, “Nkimba imbombe ichoni na bantu banaba? Abantu banaba biyanizye pakunsumba na mabwe.”

Ivyili 18:10

U Mwene ali ngati chitembe ichamaka, mumo abagholosu bangaponelamo.

Yesaya 25:4

Wee Mwene waba we chakuponelamo abantu abapina, nabapotwe pakabalilo akantamyo, we kubapoka kumpepo iya maka, sona we kazundila kabo. Pakuti umuyi uwa muntu umukali, ghuli ngati mpepo yiyo yikukoma pachibumba

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Yona 2:2

“Wee Mwene bo indi muntamyo inkulu nkani nkakwitizya, po ukanyamula. Bo indi mukasi muchisu icha bantu abafwe, nkakulilila ukuti unyivwe, po ukanyivwa.

Ukubelengiwa 14:10

Loli ichilundilo chosi chikati, “Zagha tubasumbe na mabwe.” Po panapo na panapo ubuchindamu ubwa Mwene bukababonekela aba Izilayeli bosi pa Chisakasa icha Mwene.

Matayi 21:9

Abantu abinji babo bakaba kuntazi na kwisinda ukwa Yesu bakanda pakukolomoka ukuti, “Apaliwanje u Mwana uwa Devedi! U Chala amusaye yuyo akwiza mwitabwa ilya Mwene! U Chala apaliwanje!”

Matayi 27:22

Po u Pilati akalalusya akati, “Nkimba imbombe nawe ichoni u Yesu yuyo mukuti we Kilisitu?” Bosi bakamula bakati, “Mukomele pachipinjika!”

Yohani 8:59

Po bakaseba amabwe ukuti bamusumbe nagho, loli u Yesu akaleghannya nukwepamo mu Nyumba iya Chala yila.

Aba Loma 4:18

U Abulahamu akasubila nukulindilila, napapo patakabapo ni chifukwa ichakulindililila, po akaba munyenya uwa inko inyinji ukuyana na Masimbo aghakuti, “Abaluko lwako bakwiza pakuba binji nkani ngati zyo ntondwa.”

Aba Loma 4:20

Atakilamwa ni layizyo ilya Chala, loli akiyula nkani mulwitiko lwache nukumuchindika u Chala.

Aba Loma 8:31

Muvyosi vinivi, po nkimba tungati choni? Nanti u Chala ali kulubazu lwitu, wewenu angatususya?

2 Aba Kolinti 1:6

Nanti tukuyimba, tukuyimba pachifukwa ichakuti tukulonda ukuti namwe bulo musangalusiwe nukupokiwa. Nanti tukusangalusiwa, pachifukwa ichakuti tukulonda ukuti namwe bulo musangalusiwe nukupokela amaka agha bujivu nkani, bo muli muntamyo ukuyana nintamyo zizyo naswe bulo tukaba nazyo.

2 Aba Kolinti 4:8

Aswe tukukomana na mayimba aghakulekanalekana, loli tutakufyenyiwa sona tukuswigha, loli tutakulekiwapo nalumo.

2 Aba Kolinti 7:5

Napapo bulo bo twafika mu Makedoniya, tutakatuzyapo. Loli tukakomana nintamyo posi na posi, ivyongo na bantu, sona ubogha bukaba mumoyo ghitu.

Aba Hebeli 13:6

Po zagha tunene nu bujivu ukuti, “U Mwene we mwavwilizi wane, po ntakwiza pakunyila. Nkimba umuntu angabomba choni nane?”

Abalongi 18:25

Aba Dani bala bakamula bakati, “Utakadalinkanaye naswe, lumo abantu abakali bangakukoma, po awe poka na bamunyumba yako mungafwa”

Abalongi 20:22

Loli aba Izilayeli bala bakakazannya nkani, nukubabika sona abasilikali babo mubuzilo bwabo ubwa bwite ubwakwanda bula.

1 Samuweli 1:10

Pachifukwa icha kutamiwa nkani mumoyo wache, u Hana akiputa kwa Mwene, bo akulila nkani.

1 Samuweli 23:16

U Yonatani umwana uwa Sabuli akabuka kwa Devedi ku Holeshi pakumukazya nukumubuzya ukuti u Chala akwiza pakumwavwa.

1 Samuweli 28:15

U Samuweli akamulalusya u Sabuli akati, “Nkimba choni chicho wantamya bunubu ukuti inyokele kuno?” U Sabuli akati, “Natamiwa nkani. Aba Filisiti bali pakulwa nane ubwite, sona u Chala ankana. Atakunyamula sona pakwendela mu balaghuzi pamo muvilota. Po nakwitizya ukuti umbuzye ichakubomba.”