1 Samuweli 30:22 - IBAYIBOLO 2024

²² Abantu bamo ababibi sona na bapela ntamyo babo bakabuka poka nu Devedi bakati, “Pachifukwa ichakuti abantu banaba batakabuka poka naswe, tutakwiza pakugabana nabo ivintu vivyo tukafyula. Loli umwanavuli wesi angamusenda umuchi wache poka na bana bache nukubuka.”

1 Samuweli 30:22 Iomraidhean Croise

1 Abamwene 21:10

Mubikazye abantu abasita mbombo babili umwakwenannya nawe ukuti bamulonjelele ukuti bakamwivwa akumughuna u Chala poka nu mwene. Po mumusendele kuzi ukwa kaya akakulu nkani nukumughogha na mabwe.”

1 Abamwene 21:13

Abantu babili bala bakiza nukwikala umwakwenannya nawe. Bakanda pakumulongelela u Naboti pantazi pabantu ukuti, “U Naboti akamughuna u Chala poka nu mwene.” Po bakamusendela kuzi ukwa kaya akakulu nkani nukumughogha na mabwe.

Matayi 7:12

“Mubabombelaye abantu abanji vivyo amwe mukulonda ukuti bababombelaye. Ichi cho chicho Indaghilo izya Mozesi nu bumanyisi ubwa balaghuzi vikumanyisya.

Ukukumbusya Amalamulo 13:13

ukuti abantu ababibi biza pakasi papinyu, sona babasovya abantu mutwaya twabo ukuti, “Mwebaya zagha tubiputaye abachala abanji,”

Abalongi 19:22

Bo bali pakwilagha ichakulya chila, abantu bamo ababibi abamwalwe aba mukaya akakulu nkani kala, bakayizyungulila inyumba yila. Bakanda pakulukoma ulwiyi nukumubuzya umuntu umughosi yula umwenecho uwa nyumba ukuti, “Mufumye kuzi umuntu yuyo izite munyumba yako ukuti tughonane nawe.”

1 Samuweli 22:2

Abantu bosi babo bakaba nintamyo, pamo ni nkongole, pamo batakahoboka pavintu vimo, bakamukonka u Devedi. Abantu pipipipi 400 bakaba poka nu Devedi kulakula, po u Devedi akaba we mulongozi wabo.

1 Samuweli 25:17

Nalondagha ukuti nkumanyisye bulo zinizi, sona bombapo zimo, pakuti chinichi chingamupelela intamyo u mwene witu poka na bamunyumba yache. U mwene witu uyu ali nu moyo umukafu nkani umwakuti akwighalila amakutu ghache nanti umuntu akumubuzya.”

1 Samuweli 25:25

Mwene wane, utakamuteghelezyanje u Nabali umuntu umupunganu uyu. Ayanite bulo namumo itabwa lyache likung'anamulila, kokuti mupunganu! Loli ane ne wambombo wako, ntakabennya abantu bako babo ukabatuma.

1 Samuweli 30:21

Po u Devedi akafika kuko kukaba abantu 200 bala, babo bakalita nkani umwakuti bakapotwa pakumukonka, sona babo bakasyalikila palusoko ulwa Besoli. Abantu bala bakiza pakukomana nu Devedi poka na bantu babo akaba nabo. U Devedi akabalamuka abantu bala, bo afika papipi nabo.

1 Samuweli 30:23

U Devedi akabamula akati, “Mwe bakamu bane, mutakabombaye bunubu ni vintu vivyo u Mwene atupa. U Mwene atuzighilila akiza, sona akababika munyobe zyitu abasilikali, babo bakiza pakulwa naswe ubwite.