1 Samuweli 30:11 - IBAYIBOLO 2024

¹¹ Abantu babo bakaba poka nu Devedi bakamwagha umu Ijiputi yumo mumughunda, po bakiza nawe kwa Devedi. Bakamupa ichibama ukuti alye, nukumupa amizi ukuti ang'wele.

1 Samuweli 30:11 Iomraidhean Croise

Ivyili 25:21

Nanti umulwani wako ali nizala, umupanje ichakulya, nanti ali ni nyota umupanje amizi aghakung'wela.

Matayi 25:35

Nkaba nizala mukampa ichakulya, nkaba ni nyota mukampa amizi; nkaba muyeni, mukampokela munyumba zyinyu;

Ukukumbusya Amalamulo 23:7

Mutakabasamule aba Edomu, pachifukwa ichakuti bo bakamu binyu. Mutakabasamule aba Ijiputi pachifukwa ichakuti pakabalilo kamo mukaba mwe bayeni muchisu chabo.

Ukukumbusya Amalamulo 23:8

Ukwandila inkulilo iyabutatu iya bana babo mupaka kuntazi, abaluko lwabo bangaba palukomano ulwa bantu aba Mwene.

1 Samuweli 30:10

pachifukwa ichakuti abantu 200 bakalita nkani umwakuti bakapotwa pakuloboka ulusoko lula. Loli u Devedi na bantu 400 bakabakonka abantu bala.

1 Samuweli 30:12

Bakamupa ivitumbuwa ivya makuyu, sona ni vitumbuwa ivya mampesya amumizu. Bo alya, amaka ghakanyokelamo pakuti akikala amasiku matatu umusanya nu busiku, ukusita ukulyapo ichakulya pamo ukung'wela amizi.