1 Samuweli 3:21 - IBAYIBOLO 2024

²¹ U Mwene akivumbula mwene mu Shilo, sona kulakula akamubonekela u Samuweli nukunena nawe. Bo u Samuweli anena bulo amazyu ghache, aba Izilayeli bosi bakamuteghelezya.

1 Samuweli 3:21 Iomraidhean Croise

Ubwandilo 12:7

U Mwene akamubonekela u Abulamu nukumubuzya ukuti, “Ichi cho chisu chicho nkwiza pakubapa abaluko lwako.” Palapala u Abulamu akamuzengela ichighemo u Mwene yuyo akamubonekela.

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Yelemiya 41:5

abantu 80 aba ku Shekemu naba ku Shilo sona naba ku Samaliya babo bakamwa indevu zyabo, bakazepulannya amenda ghabo nukwibolannya bene ukulanjizya ukuti bali pa chililo. Bakasenda ivyakwiyipa ivya busu sona nutwakununkila nukuvibika mu Nyumba iya Mwene.

Amosi 3:7

Naloliloli u Mwene Uwamaka Ghosi atakubombapo nachimochimo, nanti atabavumbuliye ababombi bache abalaghuzi imbatiko zyache.

Ukubelengiwa 12:6

U Mwene akati, “Ivwa kuno! Nanti umulaghuzi uwa Mwene ali pakasi papinyu, ane nkwilanjizya nemwene kukwache muvisetuka, sona nkunena nawe muvilota.

Ukukumbusya Amalamulo 29:10

Ilelo mwebosi mwe mukwimilila pamaso pa Mwene, u Chala winyu na balongozi binyu na balongi binyu na basongo binyu na bamwene binyu na banavuli bosi aba ba Izilayel

Aba Hebeli 1:1

Kale u Chala akanena na banyenya bitu ukwendela mu balaghuzi mutubalilo utwinji, sona na muzila izyakulekanalekana.

1 Samuweli 10:19

Loli ilelo mwamukana u Chala winyu, yuyo akabapoka muntamyo zyinyu na mumayimba ghinyu ghosi. Amwe mwambuzya mwati, ‘Awe! Utwimikile u mwene.’ Polelo mubungane pamaso pa Mwene ukuyana ninko zyinyu, sona ni nyumba zyinyu.”

1 Samuweli 3:1

Umulumendo u Samuweli akamubombelagha u Mwene umwakulongoziwa nu Eli. Po mumasiku ghalaghala amazyu agha Mwene ghatakivwikagha pipipipi, sona ivisetuka vitakaboneka kabilikabili.

1 Samuweli 3:10

U Mwene akiza nukwimilila palapala. Po akitizya sona ngati mumo akitizizyanga pakwanda ukuti, “Samuweli! Samuweli!” U Samuweli akamula akati, “Nena pakuti ne mubombi wako nkwivwa.”

1 Samuweli 3:4

Po u Mwene akamwitizya u Samuweli akati, “Samuweli! Samuweli!” U Samuweli akamula akati, “Nafika.”

1 Samuweli 9:15

Ulutazi bo u Sabuli atizite, u Mwene akamuvumbulila u Samuweli akati,