1 Samuweli 3:20 - IBAYIBOLO 2024

²⁰ Po aba Izilayeli bosi ukwandila muchisu icha Dani mupaka muchisu icha Belisheba bakazyaghannya ukuti u Samuweli akaba mulaghuzi umusubiliwa uwa Mwene.

1 Samuweli 3:20 Iomraidhean Croise

2 Samuweli 17:11

“Po ifundo yiyo ningakubuzya yo iyi: Aba Izilayeli bosi aba mu Dani naba mu Belisheba, babo binji nkani ngati musesenga uwa mulubazu ulwa nyanja, babungane poka kuno, sona awe ubalongolelaye pakubuka kubwite.

2 Samuweli 3:10

Nkwiza pakubafyula abamunyumba iya Sabuli ubumwene nukumubika u Devedi pakuba we mwene uwa ba Izilayeli, naba luko ulwa Yuda, ukwandila ko kuchisu icha Dani mupaka ku Belisheba.”

1 Abamwene 4:25

Pakabalilo kosi aka Solomoni, abantu bosi aba muchisu icha Yuda nicha Izilayeli bakaba mubwabuke, ukwandila ku Dani mupaka ku Belisheba. Umuntu wesi akikalagha umwakufwasa mu mampesya aghache na ghache, sona na makwi agha ikuyu.

Ezekiyeli 33:33

“Bo vyosi vinivi vyakwanilisiwa sona nanti naloliloli vyabombiwa vivyo ukababuzyanga, po bakwiza pakuzyaghannya ukuti umulaghuzi ame panapa.”

Amosi 2:11

“Nkabimika bamo pakasi pabana binyu pakuba balaghuzi, sona abalumendo bamo pakasi papinyu pakuba ba Nazili. Mwee ba Izilayeli, nkimba te momumo?” U Mwene anena.

Imbombo 13:20

Vyosi vinivi vikasenda amaka 450. “Pisinda pazinizi akabapa abalongi mupaka pakabalilo aka mulaghuzi u Samuweli.

Ukukumbusya Amalamulo 18:21

Lumo mungilalusya mwebene ukuti, “Nkimba tungaghamanya bulibuli ukuti amazyu agha mulaghuzi yunuyu ghate gha Mwene?”

1 Timoti 1:12

Nkumupalizya u Kilisitu u Yesu u Mwene witu, yuyo ampiye amaka pambombo iyi. Nkumupalizya pakumpima pakuba ne musubiliwa nukunsala ukuti imbombe imbombo yache,

Abalongi 20:1

Aba Izilayeli bosi aba mu Dani mupaka ku Belisheba, sona naba mu Giliyadi bakabungana poka pamaso pa Mwene mu Mizipa.

1 Samuweli 12:11

U Mwene akamutuma u Yelubi Baala nu Balaki nu Yefuta, sona nu Samuweli, po akabapoka munyobe izya balwani binyu kunkuto zyosi, umwakuti mwikalaye umwakufwasa.