1 Samuweli 3:2 - IBAYIBOLO 2024

² Amaso agha Eli ghakennyanga akafobela, umwakuti atakennyanga pabutali nkani. Po ubusiku bumo u Eli akalambalalagha muchipinda chache.

1 Samuweli 3:2 Iomraidhean Croise

Ubwandilo 27:1

Bo u Yisaki aghosipa nkani, sona bo amaso ghache ghafuye, umwakuti atakennyanga sona, akamwitizya umwana wache usongo u Esabu nukumubuzya ukuti, “Wee mwana wane.” Po akamula akati, “Indi pano.”

Ubwandilo 48:10

Amaso agha Yakobo ghakennyanga akafobela pachifukwa icha bughosi. Po u Yosefu akabapalamizya abana bache kwa Yakobo, po akabakumbatila nukubafyofyonta.

Ubwandilo 48:19

Loli uwise akakana akati, “Inzimenye mwana wane. Inzimenye ukuti abaluko ulwa Manase bope bulo bakwiza pakuba luko ulukulu nkani. Loli umuzuna wache akwiza pakuba mukulu nkani ukumuchila, sona abaluko lwache bakwiza pakuba lwa inko inyinji nkani.”

1 Abamwene 14:4

Po umuchi uwa Yelobowamu akabomba vivyo akamubuzya nukubuka kunyumba iya Ahiya mu Shilo. Pakabalilo kalakala amaso gha Ahiya ghakafwa pachifukwa ichakuti akaba muntu umughosi nkani.

Masalimo 90:10

Ubwinji ubwa masiku ghitu ghali 70 pamo 80 nanti tuli na maka, loli ubumi ubwa muntu buli nintamyo zyene sona ni chitima, vikumala lubilolubilo nkani, po twebosi tukubuka.

Umulumbilili 12:3

Bo abasungilili abanyumba bakutetema, sona bo abantu abamaka bakudedebala, bo abakusya palwala baba banandi nkani, sona babo bakunanamizya pibwindo bakwenennya akafobela,

1 Samuweli 2:22

Pakabalilo kalakala u Eli akaghosipa nkani, po akivwanga zyosi zizyo abana bache bakababombelagha aba Izilayeli, sona nukuti abana bache bala bakaghonanagha na bakolo, babo bakabombagha imbombo pamulyango uwa Chisakasa icha Mwene.

1 Samuweli 4:15

yuyo akaba na maka 98, umwakuti amaso ghache ghatakennyanga.