1 Samuweli 3:12 - IBAYIBOLO 2024

¹² Pakabalilo kalakala nkwiza pakuzibomba zyosi zizyo nkanena nizya Eli na bamunyumba yache, ukwandila pabwandilo mupaka pabumalilo.

1 Samuweli 3:12 Iomraidhean Croise

Ezekiyeli 21:5

Po abantu bosi bakwiza pakumanya ukuti ane ne Mwene nawesa upanga munyambi yache, atakwiza pakunyokelamo sona.’

Zekaliya 1:6

Loli abantu batakaghivwila amazyu ghane ni ndaghilo zyane, zizyo nkabapa ababombi bane abalaghuzi.’ “Po bakapinduka nukuti, ‘U Mwene Uwamaka Ghosi atubombela ukuyana ni zila zyitu sona ni mbombo zyitu.’ ”

Ukubelengiwa 23:19

U Chala te muntu uwakuti angatamanta, pamo te mwana uwa muntu uwakuti angandula inyinong'ono zyache. Nkimba anenitepo chimo ukusita pakuchibomba? Nkimba alayizizyepo chimo ukusita pakuchikwanilisya?

Luka 21:33

Kumwanya ni chisu ichapasi vikwiza pakumala, loli amazyu ghane ghakwiza pakuba na maka bwila na bwila.”

Yoshwa 23:15

Loli ukuyana namumo u Mwene u Chala winyu akakwanilisya ivyiza vyosi vivyo akabalayizya, polelo u Mwene angabawisizya ivintu ivibibi mupaka nukubefyamo muchisu ichiza chicho abapa.

Abalongi 4:24

Ukwandila pakabalilo kalakala aba Izilayeli bakendelela pakuba na maka nkani, mupaka bakamuzimizya u Yabini u mwene uwa ba Kenani.

1 Samuweli 4:11

Ibokosi ilya Lufingo ilya Chala likafyuliwa, sona abana babili aba Eli, u Hofini nu Finehasi bakaghoghiwa.

1 Samuweli 4:17

Umuntu yula akamwamula akati, “Aba Izilayeli babachimbiye aba Filisiti, sona abasilikali abinji nkani baghoghiwa. Abana bako babili bala, u Hofini nu Finehasi baghoghiwa, sona lyope ni Bokosi ilya Lufingo ilya Chala lyafyuliwa.”

1 Samuweli 4:21

Akamwita umwana yula ukuti we Ikabodi kokuti, “Ubuchindamu ubwa Chala bwepapo pakasi paba Izilayeli!” Akanena bunubu pachifukwa icha kufyuliwa ukwa Ibokosi ilya Lufingo ilya Chala, sona nu bufwe ubwa wisevyala u Eli nu mulume wache.

1 Samuweli 4:22

Akati, “Ubuchindamu bwepapo pakasi paba Izilayeli pakuti Ibokosi ilya Lufingo ilya Chala lyafyuliwa.”