1 Samuweli 29:3 - IBAYIBOLO 2024

³ Abasongo aba basilikali aba ba Filisiti bakalalusya bakati, “Nkimba aba Hebeli aba bakulonda ichoni pano?” U Akishi akabamula akati, “Yunuyu we Devedi, ikambala ilya Sabuli, u mwene uwa Izilayeli. Ikalagha nane akabalilo akatali nkani, sona ntamwaghite ni chifukwa nachimochimo ukwandila pisiku lilyo akafikilagha kuno.”

1 Samuweli 29:3 Iomraidhean Croise

Ubwandilo 14:13

Loli umuntu yumo yuyo akapona, akiza kwa Abulamu umu Hebeli nukumupangila vyosi. U Abulamu, yuyo akikalagha papipi na makwi agha mupandapanda agha Mamule, yuyo akaba wamu Amoli, umukamu uwa Eshikolo nu Aneli. Bosi banaba bakapanga akabukatila koka nu Abulamu.

1 Imbili 12:19

Aba Manase bamo bakachimbila nukubuka kwa Devedi, bo akubuka poka naba Filisiti pakulwa ubwite nu Sabuli. Loli u Devedi poka na bantu bache batakabavwa aba Filisiti, pachifukwa ichakuti, bo bababuzikizya abalongozi babo bakamunyosya bakati, “Nanti anyokela kwa mwene wache u Sabuli, aswe tukwiza pakunanganika panapo na panapo.”

1 Imbili 12:20

Bo Devedi abuka ku Zikilagi, aba Manase babo bakamukonka bakaba bo aba: U Adina nu Yozabadi nu Yediyaweli nu Mikayeli nu Yozabadi nu Elihu sona nu Ziletayi babo bakaba basongo aba tubukatila utwa basilikali 1,000 aba Manase.

Daniyeli 6:5

Pabumalilo abantu bala bakati, “Tutangamwagha ni chifukwa nachimochimo umuntu yunuyu, nanti tutakutambulako nizya chiputo chache.”

Yohani 19:6

Bo abaputi abasongo na balindilili aba Nyumba iya Chala bamwennya u Yesu, bakakolomoka nkani bakati, “Mukomele pachipinjika! Mukomele pachipinjika!” Pilati akababuzya akati, “Mumusende mwebene nukumukomela pachipinjika pakuti ane intakumwagha ninongwa nayimoyimo.”

Aba Loma 12:17

Utakatanizyanje ububibi pabubibi. Yezya pakubomba ivintu vivyo vyiza pamaso pabantu bosi.

1 Pitala 3:16

Umabyebye winyu abanje mololo, umwakuti abantu babo bakubatuka pachifukwa icha nkalo yinyu inyiza mwa Kilisitu bakoziwe isoni pa vivyo bakunena.

1 Samuweli 14:11

Po bosi babili bala bakabuka pakwilanjizya bene pamaso paba Filisiti. Aba Filisiti bala bakati, “Ennya, aba Hebeli bakufumamo muviliba mumo bavwamiliyemo!”

1 Samuweli 25:28

Nalamba unhobokele ne wambombo wako. U Mwene akwiza pakubukazya nkani ubumwene bwako bwila na bwila, pachifukwa ichakuti ukumulwila ubwite u Mwene. Po utakwiza pakubombapo nachimochimo ichintu ichibibi mubumi bwako bosi.

1 Samuweli 27:1

U Devedi akanena mwene akati, “Isiku limo u Sabuli akwiza pakungogha. Chingaba chizapo ukuti insamalile kuchisu icha ba Filisiti. U Sabuli atakwiza pakundondelezya mu Izilayeli muno, po nkwiza pakupona.”

1 Samuweli 27:7

U Devedi akikala muchisu icha ba Filisiti umwaka ghoka na mezi folo.

1 Samuweli 29:6

Po u Akishi akamwitizya u Devedi nukumubuzya ukuti, “Nkulapa pamaso pa Mwene umumi ukuti awe wame muntu umusubiliwa kukwane, sona wanhobosya nkani namumo wababombela abasilikali bane. Ntakwaghite ni chifukwa nachimochimo ukwandila pisiku lilyo ukafikilagha kuno. Loli abamwene abanji batakukulonda.

1 Samuweli 4:6

Aba Filisiti bakivwa ichongo chila, po bakalalusya bakati, “Nkimba ichongo chosi chinichi muvisakasa ivya ba Hebeli cha choni?” Bo aba Filisiti bivwa ukuti Ibokosi ilya Lufingo ilya Mwene lyafika muvisakasa ivya ba Izilayeli,