1 Samuweli 28:8 - IBAYIBOLO 2024

⁸ U Sabuli akiyandulannya mwene nukuvwala amenda aghanji, po pabusiku akabuka poka na bantu babili ku mukolo yula. Akamubuzya akati, “Undalusikizyeko ku mizimu, nkaninkani u muzimu uwa muntu yuyo nkumutambula.”

1 Samuweli 28:8 Iomraidhean Croise

1 Abamwene 22:30

U mwene uwa Izilayeli akamubuzya u Yehoshafati akati, “Nkwiza pakwiyandula nemwene nukubuka kubwite, loli awe uvwalaye inkazo yako iya bumwene.” Po u Ahabu yula akabuka kubwite, bo iyanduye ngati po muntu uyunji bulo.

1 Abamwene 22:34

Loli umuntu yumo akawesa ubwele bwache umwakusita kumanya, akamulasa u mwene u Ahabu pakasikasi papo ivigaba ivya ngulu vikakomana. Po akamubuzya umuntu yuyo akendezyanga ingolo yache akati, “Ghalabuka, unyefyepo pabuzilo ubu, pakuti navulaziwa nkani.”

1 Imbili 10:13

U Sabuli akafwa pachifukwa ichakuti atakaba musubiliwa kwa Mwene. Atakamwivwilagha u Mwene sona akabuzikizyanga ku mizimu iya bantu abafwe.

2 Imbili 18:29

U mwene uwa Izilayeli akamubuzya u Yehoshafati akati, “Nkwiza pakwiyandula nemwene nukubuka kubwite, loli awe uvwalaye inkazo yako iya bumwene.” Po u Ahabu yula akabuka kubwite, bo iyanduye ngati po muntu uyunji bulo.

2 Imbili 35:22

Pope bulo u Yosiya atakaleka pakulwa nawe ubwite, po akiyandula mwene nukuba ngati muntu uyunji ukuti alwe nawe ubwite. Atakateghelezyanga zizyo u Chala akamulamula u Neko, loli akabuka pakulwa nawe ubwite mwikombe ilya Megido.

Yesaya 8:19

Loli abantu bakwiza pakukubuzya ukuti utulalusikizyeko ku bantu babo bakunena ni mizimu, sona na bamayele bosi. Babo bakuteketa nukulila ngati kayuni, nkimba abantu batabaghiye pakulalusya kwa Chala wabo? Nkimba choni chicho bakubalaluzikizizya abantu abafwe mubuzilo ubwa bantu abumi?

Yelemiya 23:24

Nkimba umuntu angavwama kubusyefu umwakuti intangamwennya? Nkimba ane intalipo posi na posi kumwanya na pachisu ichapasi? Ane ne Mwene nanena.

Ezekiyeli 12:6

Umubaghale bo bakukwennya nukubuka nawe muchisi. Uchivwinke icheni chako umwakuti utakachennyanje ichisu, pakuti nakupela awe pakuba chimanyilo icha Izilayeli.”

Yohani 3:19

Iyi yo nongwa iya kubalongela: Ulukozyo lwizite muchisu ichapasi, loli abantu bachighanite nkani ichisi ukuchila ulukozyo pakuti imbombo zyabo mbibi.