1 Samuweli 28:6 - IBAYIBOLO 2024

⁶ Akamubuzikizya u Mwene, loli u Mwene atakamwamula muvilota pamo pakubombezya u Ulimu pamo abalaghuzi.

1 Samuweli 28:6 Iomraidhean Croise

2 Samuweli 22:42

Bakalilagha ukuti abavwe, loli patakabapo nayumoyumo umuntu uwakubapoka. Bakalilagha kwa Mwene, loli atakabamula.

Masalimo 74:9

Ivimanyilo vyitu vitakuboneka. Atalipo sona umulaghuzi uwakusyalapo, nayumoyumo umuntu pasi papinyu yuyo azimenye mumo zikwiza pakubela.

Ukufuma 28:20

Mumuzele uwafolo ubikemo utumabwe utwamutengo utwa belili, nutwa onikisi, sona nutwa yasipala. Utubike utumabwe tunutu muvyakubikamo ivya golide.

Ukufuma 28:30

Ubikemo u Ulimu nu Tumimu mukakuvwala akapachifuba, umwakuti u Aloni avinyamule pachifuba chache bo akwiza pamaso papane. Po u Aloni akwiza pakuvinyamula ivintu vibili vinivi ukuti angamanya vivyo nkulonda ukuti abantu bane aba Izilayeli babombaye.

Ivyili 27:1

Utakituvyanje nizya ndabi, pakuti utachimenye chicho chikwiza indabi.

Yelemiya 23:28

“Muleke umulaghuzi yuyo alota asanusye ichilota chache, loli umulaghuzi yuyo ali na mazyu ghane aghanenele mubusubiliwa. Nkimba amapeta ghayanite bulo ni ngano? Ane ne Mwene nanena.

Nkuto 2:9

Imilyango yache yadwiba pasi, sona zyope ni mpingwi zyache zyananganika. Abamwene bache poka na makambala ghache bali kubuzya pakasi pa inko izinji. Batakuzikonka nalumo indaghilo, bope abalaghuzi bache batakwennya nalumolumo ivisetuka ivya Mwene.

Yoweli 2:28

“Pisinda pache nkwiza pakupungulila Umuzimu wane pabantu bosi. Abana binyu abalumendo na balindu bakwiza pakulaghula, abaghosi bakwiza pakulota ivilota, bope abalumendo bakwiza pakwennya ivisetuka.

Aba Levi 8:8

Akamuvwika ichakuvwala pachifuba nukubikamo u Ulimu nu Tumimu.

Mika 3:7

Abakwennya ivyamuntazi bakwiza pakukoziwa isoni, bope abakulaghula bakwiza pakusamuliwa. Bakwiza pakuvwinka ivyeni vyabo, pachifukwa ichakuti u Chala atakubamula.”

Ukubelengiwa 12:6

U Mwene akati, “Ivwa kuno! Nanti umulaghuzi uwa Mwene ali pakasi papinyu, ane nkwilanjizya nemwene kukwache muvisetuka, sona nkunena nawe muvilota.

Ukubelengiwa 27:21

Imilile pamaso pa muputi u Eleyazala, yuyo akwiza pakubumanya ubwighane ubwa Mwene pakubombezya u Ulimu nu Tumimu. Umu momumo akwiza pakuchilongozezya ichilundilo chosi, nukumulamula u Yoshwa, poka ni chilundilo chosi icha ba Izilayeli.”

Matayi 1:20

Bo akwinong'ona zinizi, uwantumi uwa Mwene akamwizila muchilota nukuti, “Wee Yosefu, uwaluko ulwa Devedi, utakanyilaye pakumusenda u Maliya pakuba muchi wako, pakuti ulwanda lulo ali nalo lwa Muzimu Umuzelu.

Yohani 9:31

Aswe tuzimenye ukuti u Chala atakwamula inyiputo izya bambibi, loli akwamula inyiputo izya bantu babo bakumuchindika nukubomba zizyo akulonda.

Ukukumbusya Amalamulo 33:8

Nizya uluko ulwa Levi akati, “Wee Mwene vumbula ubwighane bwako ukwendela mwa Tumimu nu Ulimu, ukwendela mu mubombi wako umusubiliwa u Levi. Ukamuyela pa Masa nukudalinkana nawe pamizi agha Meliba.

Yakobo 4:3

Sona napapo bo mukulaba, mutakuvipokela pachifukwa ichakuti mukulaba akabibi. Ivintu vivyo mukulaba mukulonda pakuvibombezya ukuhobosya amabili ghinyu ghene.

1 Samuweli 14:37

Po u Sabuli akamulalusya u Chala akati, “Nkimba tungalwa ubwite naba Filisiti? Nkimba ukwiza pakubabika munyobe zyitu?” Loli u Chala atakamwamula pisiku lilalila.

1 Samuweli 28:15

U Samuweli akamulalusya u Sabuli akati, “Nkimba choni chicho wantamya bunubu ukuti inyokele kuno?” U Sabuli akati, “Natamiwa nkani. Aba Filisiti bali pakulwa nane ubwite, sona u Chala ankana. Atakunyamula sona pakwendela mu balaghuzi pamo muvilota. Po nakwitizya ukuti umbuzye ichakubomba.”

1 Samuweli 28:5

Bo u Sabuli abennya abasilikali aba ba Filisiti, akanyila nkani umwakuti akanda pakutetema.