1 Samuweli 28:3 - IBAYIBOLO 2024

³ Pakabalilo kalakala u Samuweli akafwa, po aba Izilayeli bosi bakamulila nukumusyila mukaya kache aka Lama. U Sabuli akabachimbizyamo mu Izilayeli abantu bosi babo bakunenezannyanga ni mizimu, sona na bamayele bosi.

1 Samuweli 28:3 Iomraidhean Croise

Ukufuma 22:17

Loli nanti uwise akukana ukuti umwanavuli yula atakamusende umwana wache, umwanavuli yula abaghiye imale umulindu yula.

Ukufuma 22:18

“Umukolo wesi yuyo akubomba amayele, aghoghiwanje.

Aba Levi 19:31

“ ‘Mutakababuzikizyanje abamayele, pamo abantu babo bakunenezannya ni mizimu iya bantu abafwe. Nanti mukubomba bunubu, mukwinyazya mwebene. Ane ne Mwene, u Chala winyu.

Aba Levi 20:27

“ ‘Nanti umwanavuli pamo umukolo akunenezannya ni mizimu iya bantu abafwe, aghoghiwanje na mabwe, pachifukwa ichakuti ipalaghulila mwene inongwa.’ ”

Aba Levi 20:6

“ ‘Nanti umuntu akubuzikizya abantu babo bakunenezannya ni mizimu iya bantu abafwe, ane nkwiza pakumusulannya umuntu yula, nukumwepusyapo pakasi pabantu bache.

1 Samuweli 15:23

Pakuti ukumusambukila u Mwene, kuyanite bulo na mayele. Ukwituvya yo mbibi, yiyo yiyanite bulo nukwiputa ivifwani. Pachifukwa ichakuti waghakana amazyu agha Mwene, wepe akukana ukuti utakabanje sona we mwene.”

1 Samuweli 25:1

Bo u Samuweli afwa aba Izilayeli bosi bakabungana poka nukumulila. Po bakamusyila kukaya kache aka Lama. Pisinda pache u Devedi akabuka kunkolongo iya Palani.

1 Samuweli 28:9

Umukolo yula akamwamula akati, “Uzimenye zizyo u mwene u Sabuli akabomba. Akabachimbizya abantu abakunenezannya ni mizimu, sona na balaghuzi. Po nkimba choni chicho mukuntegha ukuti mungoghe?”

1 Samuweli 7:17

Loli akabalilo kosi akabwelagha ku Lama kukaya kache. Kulakula kope akabalongagha aba Izilayeli, sona ko kuko akamuzengela ichighemo u Mwene.