1 Samuweli 28:23 - IBAYIBOLO 2024

²³ U Sabuli akakana akati, “Awe, ntakulya.” Loli amakambala ghache poka nu mukolo yula bakamulambilizya mupaka akitika. Po akanyamuka nukwikala pachitala.

1 Samuweli 28:23 Iomraidhean Croise

1 Abamwene 21:4

Po u Ahabu akabwela bo asulumanizye, sona bo akalaye pachifukwa ichakuti u Naboti umu Yezileli akakana akati, “Ntangakupa ichilingo icha banyenya bane.” Akalambalala pachitala chache, bo enizye ku lubumba, sona akakana pakulya.

2 Abamwene 4:8

Isiku limo u Elisha akabuka ku Shunemu, kuko kukikalagha umukolo yumo umukabi nkani. Umukolo yula akamwitizya u Elisha ukuti alye ichakulya munyumba yache. Ukwandila pakabalilo kalakala bo u Elisha iza mu Shunemu, akizagha palapala pakulya ichakulya.

2 Abamwene 5:13

Loli abambombo bache bakapalamila nukumulalusya ukuti, “Wee tata, buli nanti umulaghuzi akakulamulagha ukuti ubombe ichintu chimo ichipala nkimba ngali utachibombite? Po nkimba pali bupala boni pakukubuzya ukuti, ‘Ogha nukuswepa?’ ”

Esitele 1:6

Mulupaso mula bakalabannyamo na menda amatonte amaswepu nagha buluu nukughupinya ni mpote izya menda amatonte amaswepu sona bakabika utwela utuchesamile mumpete izya siliva, zizyo zikaba mumpanda izya mabwe aghamutengo. Mulupaso mulamula bakalamo na mabwe amiza nkani amachesamu nagha malabulo nagha kunyezimila sona na ghanji aghamutengo nkani, po bakabikamo ivitengo ivyakweghamilako ivya golide nu siliva.

Ivyili 25:20

Ukumwimbila inyimbo umuntu uwa chitima chili ngati muntu yuyo akumuvula amenda umuntu pakabalilo akakukatala, pamo ngati ukupungulila umuntu uvinyo pachilonda.

Ezekiyeli 23:41

Ukikala pachitengo ichiza, ni tebulo lilyo likaba pamaso papabo, papo ukabika ivyakununkila na mafuta ghane.

Luka 14:23

Po u mwene wache akamubuzya uwambombo yula akati, ‘Bukagha mumisebo na kuzila izya kaya aka wize na bantu pamaka, ukuti inyumba yane yizule.

Luka 24:29

Loli bakamulambilizya bakati, “Ikala naswe pakuti kwanda kale pakwila, sona ichisi chandako.” Po akinjila nukwikala nabo.

Imbombo 16:15

Pisinda pache bo yuyo na bantu abamunyumba yache boziwa, akatwitizya aswe akati, “Nanti naloli mwanyennya ukuti ne mwitiki mwa Mwene, zagha mwikale munyumba yane.” Akatupepeka ukuti tubuke.

2 Aba Kolinti 5:14

Ulughano ulwa Kilisitu lukutulaghila. Pakuti ilelo twamanya ukuti umuntu weka akabafwila abantu bosi, kokuti abantu bosi bakafwa.

1 Samuweli 28:22

Polelo nawe unteghelezye ne mubombi wako. Unyitikizye ukuti nkuyanizye ichakulya ukuti ulye umwakuti ubanje na maka aghakwendela.”