1 Samuweli 28:15 - IBAYIBOLO 2024

¹⁵ U Samuweli akamulalusya u Sabuli akati, “Nkimba choni chicho wantamya bunubu ukuti inyokele kuno?” U Sabuli akati, “Natamiwa nkani. Aba Filisiti bali pakulwa nane ubwite, sona u Chala ankana. Atakunyamula sona pakwendela mu balaghuzi pamo muvilota. Po nakwitizya ukuti umbuzye ichakubomba.”

1 Samuweli 28:15 Iomraidhean Croise

1 Samuweli 28:6

Akamubuzikizya u Mwene, loli u Mwene atakamwamula muvilota pamo pakubombezya u Ulimu pamo abalaghuzi.

1 Samuweli 18:12

U Sabuli akanda pakumunyila u Devedi pachifukwa ichakuti u Mwene akaba nawe, loli akamukana u Sabuli.

Hoseya 9:12

Napapo bangabalela abana, nkwiza pakubasenda. Chighune nkani ku bantu banaba, bo nepukako kukwabo!

Ivyili 14:14

Umuntu umubibi akupokelagha umuvwalo ukuyana ni nkalo yache, loli umuntu umwiza akupokelagha umuvwalo ukuyana ni mbombo zyache.

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Masalimo 51:11

Utakanchimbizye pamaso papako pamo ukunyefyezya Umuzimu wako Umuzelu.

1 Samuweli 28:11

Po umukolo yula akamulalusya akati, “Nkimba ukulonda nkwitizizye uwenu?” U Sabuli akati, “Unyitizizye u Samuweli.”

1 Samuweli 28:8

U Sabuli akiyandulannya mwene nukuvwala amenda aghanji, po pabusiku akabuka poka na bantu babili ku mukolo yula. Akamubuzya akati, “Undalusikizyeko ku mizimu, nkaninkani u muzimu uwa muntu yuyo nkumutambula.”

1 Samuweli 23:2

akamubuzikizya u Mwene akati, “Nkimba ningabuka pakulwa ubwite naba Filisiti?” U Mwene akamwamula akati, “Kalwe nabo, umwakuti ukapoke akaya aka Keyila.”

Abalongi 16:20

Akakolomoka akati, “Wee, Samusoni aba Filisiti bafika!” U Samusoni akalamusya nukwinong'ona ukuti, “Nkwiza pakunyamuka ukuyana namumo nkubombela bwila nukwisatula.” Loli atakamanyagha ukuti u Mwene akepamo mumwache.

1 Samuweli 23:4

U Devedi akamubuzikizya sona u Mwene, po u Mwene akamwamula akati, “Bukagha ku Keyila, pakuti nkwiza pakubabika aba Filisiti munyobe zyako.”

1 Samuweli 28:16

U Samuweli akamulalusya akati, “Nkimba choni chicho ukunyitizya, bo u Mwene akukana sona aba mulwani wako?

1 Samuweli 30:6

U Devedi akaba muntamyo inkulu nkani, pakuti chikabababa nkani abantu bache pachifukwa icha bana na bachi babo umwakuti bakalondagha pakumusumba na mabwe. Loli u Mwene, u Chala wache akamukazya.