1 Samuweli 27:9 - IBAYIBOLO 2024

⁹ Pakabalilo kosi kako u Devedi akabukagha pakulwa ubwite, akabaghoghagha abantu bosi, ukusita ukumulekapo mumi nayumoyumo umwanavuli pamo umukolo. Loli akasenda ing'ozi ni ng'ombe ni mpunda ni ngamila sona na menda nukwiza navyo kwa Akishi.

1 Samuweli 27:9 Iomraidhean Croise

Ubwandilo 16:7

Uwantumi uwa Mwene akakomana nu Hagala pachiziba munkolongo pazila iyakubukila kukaya aka Shuli,

Ubwandilo 25:18

Abaluko ulwa Ishimayeli bakikalagha muchigaba icha pakasi pa kaya aka Havila naka Shuli, mupaka kubufumilo bwizuba ku chisu icha Ijiputi, kumusebo uwaku Asiliya. Akwiza pakuba nu moyo uwa chinyamana pakasi pa bakamu bache bosi.

Yobu 1:3

Akaba sona ni ng'ozi 7,000 ni ngamila 3,000 ni nkambaku izya kulima 1,000 ni mpunda 500 sona akaba na bambombo abinji nkani. Akaba mukabi nkani ukubachila abantu bosi aba muvyisu ivya kubufumilo bwizuba.

Ukufuma 15:22

Po u Mozesi akabalongolela aba Izilayeli ukwepapo pa Nyanja Inchesamu nukwinjila munkolongo iya Shuli. Bakenda amasiku matatu ukusita ukughagha amizi.

Yoshwa 6:21

Bakakanangannya akaya kosi kala, nukubaghogha abanavuli na bakolo na bana abanandi na baghosi bulo ni ng'ombe ni ng'ozi sona ni mpunda.

1 Samuweli 15:3

Losi ulu, buka pakulwa ubwite naba Amaleki, sona muvinangannye ivintu vyabo vyosi. Patakabepo nayumoyumo umuntu uwakupona. Mubaghoghe abanavuli na bakolo na bana na babonda ni ng'ombe ni ng'ozi ni ngamila sona ni mpunda zyabo.’ ”

1 Samuweli 15:7

U Sabuli akabapota aba Amaleki ukwandila ko ku Havila mupaka ku Shuli, kubufumilo bwizuba ubwa Ijiputi.

1 Samuweli 15:8

Akamulema mumi u Agagi u mwene uwa ba Amaleki nukubaghogha abantu bache bosi.