1 Samuweli 27:8 - IBAYIBOLO 2024

⁸ Po u Devedi na bantu bache bakabuka pakulwa ubwite naba Geshuli, naba Gilizi, sona naba Amaleki. Abantu banaba bakaba benekaya ukwanda kale bulo. Impaka iya chisu chabo yikafika ku Shuli, mupaka ku Ijiputi.

1 Samuweli 27:8 Iomraidhean Croise

2 Samuweli 14:23

Po u Yowabu akabuka ku Geshuli pakumusenda u Abisalomu nukwiza nawe ku Yelusalemu.

2 Samuweli 14:32

Abisalomu akamubuzya u Yowabu akati, “Nkakutumila amazyu aghakuti, Zagha kuno ukuti nkutume kwa mwene pakumulalusya ukuti, Nkimba choni chicho nanyokako ku Geshuli? Chikaba chiza ukuti ngali nikala bulo kulakula. Nkulonda pakubuka pamaso pa mwene, nanti nananga ichintu chimo, u mwene angoghe.”

2 Samuweli 15:8

Ane ne wambombo wako bo inchili indi mu Geshuli muchisu icha Siliya, nkalapa ichilapo ichakuti, ‘Nanti u Mwene anyitikizya pakunyokela sona ku Yelusalemu, nkwiza pakumwiputa mu Hebuloni.’ ”

2 Samuweli 3:22

Pakabalilo kalakala abantu aba Devedi poka nu Yowabu bakanyokako kubwite, bo banyamuye ivyakufyula ivinji nkani. Loli u Abinala atakaba poka nu Devedi mu Hebuloni, pachifukwa ichakuti u Devedi akamwitikizya ukuti abukaye, po akabuka mumutende.

2 Samuweli 3:3

Umwana wache uwabubili akaba we Kileyabu, yuyo unyina akaba we Abigelo, umufwilwe uwa Nabali uwamu Kalimeli. Umwana wache uwabutatu akaba we Abisalomu, yuyo unyina akaba we Maaka umwana uwa mwene u Talimayi uwamu Geshuli.

2 Samuweli 8:12

Aba Edomu naba Mowabu naba Amoni naba Filisiti sona naba Amaleki. Akavipaghulila sona ivintu vivyo akumufyula u mwene u Hadadezeli, umwana uwa Lehobu, uwamu Zoba.

1 Imbili 2:23

Loli u Geshuli nu Alamu bakakafyula akaya akakulu aka Havoti Yayili naka Kenati poka nutwaya tosi utupalamani. Utwaya tosi poka tukabapo 60. Abantu bosi banaba bakaba baluko ulwa Makili, umwana uwa Giliyadi.

Ukufuma 15:22

Po u Mozesi akabalongolela aba Izilayeli ukwepapo pa Nyanja Inchesamu nukwinjila munkolongo iya Shuli. Bakenda amasiku matatu ukusita ukughagha amizi.

Ukufuma 17:8

Aba Amaleki bakiza pakulwa ubwite naba Izilayeli pa Lefidimu.

Ukubelengiwa 13:29

Aba Amaleki bakwikala muchisu icha kuntende, sona aba Hiti naba Yebusi naba Amoli bakwikala muchisu icha mumaghamba. Aba Kenani bakwikala kupipi ni nyanja, sona na mulubazu ulwa lusoko ulwa Yolodani.”

Ukubelengiwa 14:45

Po aba Amaleki naba Kenani, babo bakikalagha muchisu icha mumaghamba bakika pakubapota, nukubachimbizizya ku Holima.

Yoshwa 12:5

Akalaghilagha mupaka kwighamba ilya Helimoni na mu Saleka sona na mu Bashani mosi mupaka kumpaka iya ba Geshuli naba Maaka sona ni chigaba chimo icha chisu icha Giliyadi mupaka kumpaka iya Sihoni u mwene uwamu Heshiboni.

Yoshwa 13:13

Loli aba Izilayeli batakabachimbizyamo aba Geshuli naba Maaka. Po abantu banaba bachili bakwikala pakasi paba Izilayeli mupaka nilelo bulo.

Yoshwa 13:2

“Ichisu chicho chasyalako cho ichi: Ichisu chosi icha ba Filisiti nicha ba Geshuli,

Yoshwa 16:10

Aba Efulayimu batakabachimbizyamo aba Kenani, babo bakikalagha mu Gezeli, umwakuti mupaka nilelo bulo aba Kenani bachili bakwikala pakasi paba Efulayimu. Loli bakufyengiwa pakubomba imbombo iya buzya.

Abalongi 1:29

Aba Efulayimu batakabachimbizyamo aba Kenani, babo bakikalagha mu Gezeli. Loli aba Kenani bakendelela pakwikala mulamula pakasi papabo.

1 Samuweli 29:6

Po u Akishi akamwitizya u Devedi nukumubuzya ukuti, “Nkulapa pamaso pa Mwene umumi ukuti awe wame muntu umusubiliwa kukwane, sona wanhobosya nkani namumo wababombela abasilikali bane. Ntakwaghite ni chifukwa nachimochimo ukwandila pisiku lilyo ukafikilagha kuno. Loli abamwene abanji batakukulonda.

1 Samuweli 30:1

Bo ghachilapo amasiku mabili, u Devedi poka na bantu bache bakafika mu Zikilagi. Pakabalilo kalakala aba Amaleki bakakanangannya akaya aka Negebu naka Zikilagi nukukocha.