1 Samuweli 26:21 - IBAYIBOLO 2024

²¹ Po u Sabuli akati, “Wee Devedi mwana wane, nananga nyokela! Ntakwiza pakukubombela sona nachimochimo ichintu ichibibi pakuti ubumi bwane wabupima pakuba bwapamwanya nkani. Naloli ane nkabomba ivyabupunganu, sona nkapuvya nkani.”

1 Samuweli 26:21 Iomraidhean Croise

2 Abamwene 1:13

U mwene yula akamutuma sona ukapitawa uwabutatu poka na basilikali bache 50. Ukapitawa uwabutatu yula akakwela pighamba nukufughama pamaso pa Eliya, po akamulambilizya akati, “Wee muntu uwa Chala, nalamba poka ubumi bwane nubwa basilikali bane 50 aba.

2 Abamwene 1:14

Umoto ghukika kumwanya nukubalungulizya abakapitawa babili abakwanda bala poka na basilikali babo. Loli nalamba, poka ubumi bwane.”

Masalimo 116:15

Ubufwe ubwa bantu abazelu aba Mwene, bwakubaba nkani pantazi papache.

Masalimo 49:8

Pakuti ichakubutabulila ubumi bwache chamutengo umukulu nkani, ghataliko amalipilo aghakukwana aghakutabulila ubumi.

Masalimo 72:14

Akwiza pakubapoka munyobe izya bantu babo bakubayivya na bavyongo, pakuti ibanda lyabo cho chintu icha pamwanya pamaso papache.

Ukufuma 9:27

Po u Falabo akamwitizya u Mozesi nu Aloni nukubabuzya ukuti, “Naloli akabalilo aka nananga. U Mwene we mugholosu. Loli ane poka na bantu bane twe twananga.

Ukubelengiwa 22:34

U Balamu akamula akati, “Nananga. Ntakazyaghannya ukuti ukunzighila izila. Po nanti utakulonda ukuti imbukaye, nkwiza pakubwela.”

Matayi 27:4

Akati, “Nananga pakumubika munyobe izya balwani umuntu umusita nongwa ukuti aghoghiwe.” Bakamula bakati, “Nkimba tuli nazyo ni mbombo?” Zyako zinizyo.

1 Samuweli 13:13

U Samuweli akamubuzya akati, “Wabomba ivyabupunganu nkani. Awe utakaghasunga amalamulo ghagho u Mwene u Chala wako akakupa. Nanti ukabombagha bunubu, ngali ikazizye ubumwene bwako pakasi paba Izilayeli bwila na bwila.

1 Samuweli 15:24

Po u Sabuli akamubuzya u Samuweli akati, “Nananga, ane ntakaghivwila amalamulo agha Mwene, sona ntakabomba zizyo akambuzya. Nkabanyilagha abantu, po nkabomba zizyo bakalondagha.

1 Samuweli 15:30

Po u Sabuli akamula akati, “Nananga! Loli nalamba, unchindikayeko pamaso pa balongozi aba bantu bane, sona na pamaso paba Izilayeli. Twende unyokele poka nane umwakuti imwipute u Mwene u Chala wako.”

1 Samuweli 18:30

Abasilikali aba ba Filisiti bakabukagha pakulwa ubwite, loli akabalilo kosi u Devedi akapotagha ukughachila amakambala aghanji ghosi agha Sabuli. Po itabwa ilya Devedi likamanyikwa nkani.

1 Samuweli 24:17

Po akamubuzya u Devedi akati, “Awe wame muntu umugholosu, loli ane name muntu mubibi. Naloli utanangiyepo nachimochimo, loli ane ne nakunangila nkani.

1 Samuweli 26:22

U Devedi akamula akati, “Wee mwene, impalala yako iyi! Umutume umuntu ize ayisende.

1 Samuweli 26:24

Ilelo ubumi bwako nabupima pakuba bwapamwanya nkani, umwakuyana bulo u Mwene abupime ubumi bwane pakuba bwapamwanya nkani, sona ampoke kuntamyo zyane zyosi.”

1 Samuweli 27:4

Bo u Sabuli ivwa ukuti u Devedi achimbilila ku Gati, atakamukonkelezya.