1 Samuweli 26:16 - IBAYIBOLO 2024

¹⁶ Imbombo yakupota! Nkulapa pamaso pa Mwene umumi ukuti awe poka na bantu bako mwebosi mubaghiye pakufwa, pachifukwa ichakuti mwapotwa pakumuzighilila u mwene winyu, yuyo mupakiwa uwa Mwene. Talankannya! Nkimba impalala iya mwene nu lubako lwache ulwa mizi vivyo vikaba papipi nu mutu wache vili ko kwiyi?”

1 Samuweli 26:16 Iomraidhean Croise

2 Samuweli 12:5

U Devedi akamukalalila nkani umukabi yula nukumubuzya u Natani ukuti, “Nkulapa pamaso pa Mwene ukuti umuntu yuyo akabomba bunubu afwanje.

2 Samuweli 19:28

U mwene wane abaghiye pakubaghogha abizukulu bosi aba tata wane, loli ukanyitikizya pakulya poka nawe pitebulo lyako. Po nkimba indi nu bulaghili boni ukuti nendelele pakukulaba we mwene wane ivintu ivyinji?”

1 Abamwene 2:26

Po u mwene akamubuzya umuputi u Abiyatala akati, “Bwelagha kukwinyu ku Anatoti. Awe ubaghiye pakufwa, loli ntakwiza pakukughogha ilelo, pachifukwa ichakuti ukanyamula Ibokosi ilya Lufingo ilya Mwene Uwamaka Ghosi pakabalilo aka tata wane u Devedi, sona ukaba poka nawe muntamyo zyache zyosi.”

Masalimo 102:20

ukuti ivwe ukukoloma ukwa bakayidi, umwakuti po abasatule babo bali papipi pakufwa.

Masalimo 79:11

Ivwa ukukoloma ukwa bakayidi, sona ubapokaye ni nyobe yako iya maka babo babaghiye pakughoghiwa.

Aba Efeso 2:3

Loli twebosi tukaba ngati bo babo, sona tukikalagha ukuyana ni vinyonywa vyitu. Tukabombagha chosi chicho amabili ghitu ni nyinong'ono zyitu vikalondagha. Ichi cho chifukwa ubukali ubwa Chala bukatubaghila ukuyana namumo bukumubaghilila umuntu wesi.

1 Samuweli 20:31

Nkimba utakuzyaghannya ukuti nanti umwana uwa Yese achili mumi, utakwiza pakuba nalumo we mwene uwa chisu ichi? Losi ulu tuma abantu ukuti bamusende bize nawe kuno ukuti afwanje.”

1 Samuweli 24:6

Po akababuzya abantu bache akati, “U Mwene ankanizye ukuti intakamubombele ichintu ichibibi u mwene wane uyu, yuyo mupakiwa uwa Mwene pamo ukumuvulazya napo panandi pakuti mupakiwa uwa Mwene.”

1 Samuweli 26:11

Loli u Mwene ankanizye ukuti intakamubombele ichintu ichibibi umupakiwa wache. Losi ulu senda impalala yache nu lubako lwache ulwa mizi, lulo luli papipi nu mutu wache, po tubukaye.”

1 Samuweli 26:15

U Devedi akamubuzya u Abinala akati, “Wee Abinala, nkimba te we mwanavuli? Nkimba wewenu ayanite nawe mu Izilayeli? Nkimba choni chicho ukapotwa pakumuzighilila u mwene wako? Losi ulu umuntu yumo izite kunuko ukuti amughoghe u mwene wako.

1 Samuweli 26:9

Loli u Devedi akamubuzya u Abishayi akati, “Awe, utakamubombele ichintu ichibibi. Nkimba wewenu yuyo angamubombela ichintu ichibibi umupakiwa uwa Mwene, nukuba musita nongwa?”